老厝邊

營業中

休息中

比環境吸引咗，想入去試試。都唔算係好迫。滷肉飯 (大) $42🍚滷肉係偏肥小小，中規中規，不過有個優點，就係可以叫大或小，咁可以叫多幾款。麻醬雞絲粉皮 $45🐥雞肉唔會好鞋，容易咬開，粉皮都幾滑，鍾意食芝麻醬可以一試。起司肉鬆蛋餅$40🫓蛋餅算係有驚喜，好香同餅皮係好Q，肉鬆都多。大腸麵線（小）$34🍲麵嘅質地偏向淋身，湯原本已經加好醋，味道唔算太突出，個人比較喜歡冇咁淋身嘅麵質。同樣有分大小碗。