彩晶軒 (已結業)

星期日去飲茶,又去最近的酒樓,果然晏晝好多人,等左陣先入到去,叫左幾個點心慢慢嘆吹下水。來來去去一定食既點心蝦餃、牛肉等。太普通野唔洗介紹,講下特別既,松茸北菇燒賣,個頂多左松茸北菇,好大粒。來個全包宴先,奶皇菠蘿包,口感似菠蘿包入面係奶皇,味道OK。杏汁雪山包,唔係好多酒樓有呢款包食,咬口鬆化杏仁漿滑。小籠包,唔算好出眾,普通料。叫埋碗擔擔麵,飽肚野,花生醬味濃。又小籠包又擔擔麵成件事好上海呀。