漫花燈火 OMG (已結業)

呢間餐廳真係一想到去就比佢個大門深深吸引，然後唔小心就影咗兩張相，你話係幾咁打卡able呢～咁入到去裏面當然亦都唔少得好多好靚好靚嘅佈置啦，主要因為係萬花同為主題，所以都係一啲七彩繽紛五顏六色嘅佈置，亦都加入左好多鏡嘅元素。Menu主要係西餐為主，今次叫咗一個燒春雞，上菜嘅時候已經深深感受到佢嘅慢煮情懷，食落亦都同想像中一樣嘅嫩滑，蜜糖令到雞肉好易入口，不知不覺間就已經食晒成隻，而下面嘅蔬菜亦都吸晒啲雞同蜜糖嘅味道，100分。因為燒春雞比較油膩，所以叫咗一個冇咁膩嘅意粉，就係炒意粉嚟嘅，辣辣地好香口，辣肉腸脆脆地入口好特別，份量亦都剛剛好唔會太多，浪費食物就唔好啦。飲品方面叫咗特色飲品朱古力沙冰，賣相很美，但對我黎講太甜。