侍應好細心咁講解餐牌，價錢都係五十幾六十幾，唔算貴。
猶豫左好耐食拌麵好定酥炸雞好，決定食拌麵然後搶同事一兩舊酥炸雞吃！
野食未到飲品先至，每杯上面都印左一條IQ題，有D已經聽過又或者好易估，不過都幾得意(答案都印左係杯面度，要細心搵先搵到)。
野食終於到啦！味道一般。同埋唔知點解同事既前菜三款都唔同，但我就得兩款(有一款重覆左)。酥炸雞係幾正，不過好熱氣。份量都夠既。
臨走侍應見同事杯熱飲仲未飲晒，主動問駛唔駛幫佢外賣拎走，我覺得呢個服務好貼心。
同埋收餐盤前佢會問客人仲要唔要，我覺得呢樣看似基本既野唔係間間餐廳都做到。
我覺得如果餐盤上空無一物就咁收走都算，試過食到後尾諗住休息一陣再食，點知侍應以為食完就極速收走左，嗌都嗌唔切，個下真心嬲。
所以總結，味道唔係特別好味，但起碼係一個愉快既用餐體驗。
