近又吉列黑豚專賣店 (已結業)

星期六同老公去朗豪坊食0野，去到lift口見到有幅好大張食吉列豬扒，幅相就影到好似好好味，於是就上去食。去到門口裡面竟然一個食客都無(當時已經係7點幾)，入到去個環境都幾舒服。我老公就揀左千層吉列豬蒜蓉定食($148)，我就叫左一個吉列豬扒定食(包括有豬扒+小卷+野菜+飯+湯)$148。d豬扒的賣相就ok，但食落去d豬扒就較多油，同埋千層豬食落去無千層的感覺，不過d野菜蓄茄就超好食，d湯都幾好味，因為佢落左d碎肉，不過食椰菜一定要落佢地d汁，真係好好味。其實整體都ok，不過以佢地個價錢來說，都係吉列豬扒專門店夠專業d，但講到佢地d員工，態度同服務一流，是值得一讚。