蟹點

營業中

休息中

在鴨脷洲西邨既蟹點， 佔地面積都幾大，坐得鬆動！過百款泰式， 粵式，小炒，海鮮提供！泰啤啤啤佢，夠哂chill!!再配埋戰鬥碗，無得輸！椰青大大個又夠凍，透心涼又清甜，椰肉香滑，充滿泰國風情。泰式鳳爪，酸酸辣辣夠哂開胃，鳳爪爽脆彈牙有咬口，大大碟夠足料！招牌白胡椒蟹大約一斤半重，餐廳招牌菜！好多人都有叫，白胡椒夠惹味又唔太辣！非常香口，蟹肉夠哂大隻又新解，啖啖肉，吸哂白胡椒香味，好好食，賣相又一流！蒜蓉粉絲蒸元貝，例排4隻，亦都夠大隻！蒜蓉粉絲蒸做法，非常香濃又夠惹味，元貝無沙幾乾淨！即叫即整夠熱辣辣！冬陰功炒飯， 大蝦，魷魚，草菇，蕃茄，香茅，青口，蜆肉，非常豐富，碟頭非常大份！陣陣既冬陰功香味滲出！ 香茅感覺幾突出，夠哂地道。炒飯夠乾唔油膩，好正。紅燒bb乳鴿做緊特價，每2位可叫1隻，質量都唔錯，肉質都幾嫩唔乾柴！So far非常好食又足料，同班老友開懷暢飲食番餐唔貴既好地方。