廉記冰室 (春園街) (已結業)

餐廳樓底非常之高, 又夠光猛, 空間咁大, 感覺都坐得舒服啲,裝修走懷舊fusion再加現代, 感覺都幾特別, 有意思, 點選咗個夜晚set dinner , 80蚊一個西冷牛扒黑椒汁, 仲配個是日例湯, 甘筍薑忌廉湯, 首先飲咗忌廉湯, 有薑嘅加持令到口味道提升不少, 薑嘅辛再加甘筍嘅甜, 混埋一體, 非常之特別, 都幾開胃喎之後就食咗西冷牛扒配黑椒汁, 80蚊一個餐, 西冷扒有兩塊, 值回票價, 牛扒 有咬口再加上黑椒汁, 辣辣地, 非常之惹味, 佢個白飯撈黑椒汁一齊食十分之飽肚, 最後食埋個木糠布甸, 鬆軟嘅口感, 細緻嘅味道, 大滿足