影片
更多
2021-08-17
100 瀏覽
食之劇場餐廳 (西貢).▪️廚師發板Omakase $1580/head▪️▪️ Set B 天 套餐 $1480/ head▪️.自從冇得去旅行🧳周圍食好嘢就係其中一個對自己好啲嘅方法，西貢呢一個地方正正可以來一個小休。本身打算食呢間餐廳再嚟個staycation，不過呢一間酒店非常full book，唔緊要我哋今次試咗呢間餐廳先(⁎⁍̴̛ᴗ⁍̴̛⁎)🍴呢到環境優美，望住個海，我哋去到嘅時間正值黃昏🌇 我哋兩個分別叫咗兩個set然後再share食，咁樣就可以試多啲唔同嘅嘢🥰店舖特別推介嘅白神山地之水，呢間舖頭寫到明所有嘅食材都係用呢一隻水，而且我非常之認同食廚師發板每道菜中間係要漱口，咁先可以食到下一味食材嘅最真果道.▪️前菜三點▪️.先來食個前菜，食呢啲擺盤精美真係令人賞心悅目，順着逆時針次序開始進食，由淡到濃，先來一個肥美嘅大蜆加上芥茉醬，芥茉提升大蜆嘅鮮味，入口超肥美，另外有鮑魚片，生茄子同埋大蝦左上角上面鋪滿炸京蔥絲，京蔥絲炸得非常香口，半生熟嘅三文魚包住日本水蕃茄加上啫喱豉油，入口Juicy最後係望到唔知係咩嚟，原來係荔芋上面再加上松葉蟹，連我男朋友呢啲本身唔太喜歡食芋頭嘅都覺得好好食.▪️刺
.
▪️廚師發板Omakase $1580/head▪️
▪️ Set B 天 套餐 $1480/ head▪️
.
自從冇得去旅行🧳周圍食好嘢就係其中一個對自己好啲嘅方法，西貢呢一個地方正正可以來一個小休。本身打算食呢間餐廳再嚟個staycation，不過呢一間酒店非常full book，唔緊要我哋今次試咗呢間餐廳先(⁎⁍̴̛ᴗ⁍̴̛⁎)🍴
呢到環境優美，望住個海，我哋去到嘅時間正值黃昏🌇 我哋兩個分別叫咗兩個set然後再share食，咁樣就可以試多啲唔同嘅嘢🥰
店舖特別推介嘅白神山地之水，呢間舖頭寫到明所有嘅食材都係用呢一隻水，而且我非常之認同食廚師發板每道菜中間係要漱口，咁先可以食到下一味食材嘅最真果道
.
▪️前菜三點▪️
.
先來食個前菜，食呢啲擺盤精美真係令人賞心悅目，順着逆時針次序開始進食，由淡到濃，先來一個肥美嘅大蜆加上芥茉醬，芥茉提升大蜆嘅鮮味，入口超肥美，另外有鮑魚片，生茄子同埋大蝦
左上角上面鋪滿炸京蔥絲，京蔥絲炸得非常香口，半生熟嘅三文魚包住日本水蕃茄加上啫喱豉油，入口Juicy
最後係望到唔知係咩嚟，原來係荔芋上面再加上松葉蟹，連我男朋友呢啲本身唔太喜歡食芋頭嘅都覺得好好食
.
▪️刺身五點/ 刺身三點▪️
.
同樣廚師介紹，順次序食，先食平靖魚，然後到八爪魚🐙，牡丹蝦，拖羅，最後就進食岩蠔。
前者味道偏淡，爽口，但新鮮，八爪魚開始濃郁，牡丹蝦黏口
因為我倆係各叫一個set，所以刺身有得試兩樣🥰岩蠔就剛好一人隻
拖羅肥美入口即化，到最後係加入左醋嘅岩蠔，牡丹蝦以及拖羅真係令人難以忘懷！.
▪️炸物▪️
.
炸物竹籤魚再加上炸番薯，伴碟調味有竹炭鹽以及青檸，竹籤魚內包裹着菇，非常特別，青檸汁解油炸物外皮的油膩，小小嘅鹽更加提升魚嘅鮮味; 炸番薯採用先蒸後炸去營造糖心嘅效果
.
▪️煮物及燒物▪️
.
食完炸物緊接而來嘅就係熟嘅油甘魚，下面在意白蘿蔔托底，非常入味，賣相精緻;
然後再有天套餐內包括嘅A4和牛， 廚師見我哋兩人分享食所以設成四小塊，又係入口半化，牛脂極香，好吃嘅牛真係唔需要食得多，寧願少但貴精 ;
然後再嚟嘅係鰻魚飯，呢度嘅鰻魚絕對唔係你出面食嘅咁，佢係比較乾身少少外皮非常之趣，完全冇任何膩感，唯獨係飯唔係好夠汁🥺.
▪️精選時令壽司▪️
.
池魚，魷魚配上可食用金箔，金目鯛，石坦貝，大拖羅以及滿到瀉嘅海膽壽司等，石坦貝新鮮爽口，大拖羅真係冇得輸，望到都覺得油脂香，個股油脂香喺口腔齒頰留香，我都隔咗10秒鐘先捨得漱口再食下一件
特別一提因為隔離枱要求想食多啲漬物，廚師見狀就問我哋要唔要都食，真係合晒我心意😍
因為我哋兩個都係勁鍾意漬物，酸薑蘿蔔呢啲就係通常一般都會有得食，但係呢度更加多嘅有紅酒喬頭，牛蒡，幾時都話食omakase嘅好處就係廚師同客人多咗溝通，隨時想食咩都可以臨時加/改🥰
.
▪️湯，甜品，水果▪️
最後來一客湯，廚師繼續表明係用白神山地水加入少量嘅酒熬製而成嘅湯，入面有好厚身，皮彈牙嘅魚塊以及玉子豆腐，食完所有嘢飲番個暖笠笠嘅湯好幸福(˶‾᷄ ⁻̫ ‾᷅˵)
.
最後出場嘅另外有日本時令水果，係超級多汁嘅靜岡密瓜🍈另外加豆乳布甸配上焦糖汁，個感覺好似豆腐花
—————————————————————-
環境：⭐️⭐️⭐️⭐️⭐️
味道：⭐️⭐️⭐️⭐️⭐️
服務：⭐️⭐️⭐️⭐️⭐️
價錢：⭐️⭐️⭐️⭐️
.
📌 食之劇場餐廳 (西貢)
西貢白沙灣碼頭酒店地下
張貼
