大伯紅豆餅 by 阿元來了 (已結業)

喺觀塘返工，放lunch個陣買野食。舖頭就喺阿元來了旁邊。原本諗住買草莓奶油味既。不過我本身係珍珠控，所以我想試下珍珠奶茶味。食物即叫即制，保證到手絕對熱辣辣。建議大家擺一陣先至食。中午個陣比較多人，唔想等太耐既話建議早啲去買。個餅冇乜奶茶味，但係有好多珍珠。我覺得用$13個價錢黎講，有咁大個份量算係抵食。烘餅加焦糖珍珠，成個味又鹹又甜，別有一番風味。我建議可以配返杯台式手搖茶飲黎中和下。我諗我會再去試吓其他口味，同埋佢哋暫時有買三送一既優惠。當飯食既話，食四個都可能飽。我就食左一個都飽左三分一。