珍一料理 (富榮大廈) (已結業)

同朋友相約係屋企食飯，點知佢準備咗好多嘢食！望一望，超精緻包裝，一盒盒都係餸！原來係珍一料理外賣！夏日炎炎，最啱食啲凍野！仲有盒手撕雞，簡直一流！因為朋友本身唔食得辣，所以個人覺得呢間店員都好細心，分開一盒辣同一盒唔辣。東坡肉套餐一盒東坡肉跟飯，肥肉入口即化，香而不膩，瘦肉軟嫩入味，仲有飯食，令人回味無窮！椒麻手撕雞手撕雞會因唔同調味，而產生多種變化。呢一份係加入椒麻，十分有風味，上面滿滿都白芝麻同莞茜！入口非常香口！五香牛腱+雞腎+五香牛肉+牛筋凍呢一盒係唔辣，美味嘅牛腱+雞腎+五香牛肉+牛筋凍，加上袐製醬汁，非常好食，仲有粒粒花生係入面，好香口！辣鹵金錢肚+麻辣豬肚呢一盒係小辣，原來仲可以再加碼叫辣，食得辣嘅一定要叫，辣鹵金錢肚+麻辣豬肚都煮得剛剛好，有肉質而且入口好有口感！總結，份量十足，仲有幾款醬汁可以揀，能夠試到唔同風味，而且小吃入面，加入咗脆脆豆同花生，真係好香口，提升咗口感！