更多
2019-12-02
420 瀏覽
今日黎到依間「女人唔狠、男人唔愛」既去滾😛🍽去滾火鍋店選址銅鑼灣金朝陽中心，行完街去醫肚岩晒！餐廳既佈置裝修非常有心思，以霓虹燈牌做主要既店裡觸目既裝飾，而牆身都有手繪畫，好似令人置身係另一個繁華盛世之下。裝修吸引，野食又如何呢🥢😋都好唔錯！！醬料自助形式，選擇多，沙茶沙嗲同薑蓉都有！鍋底點左個胡椒豬肚雞煲，有半隻既新鮮雞件，唔好睇少佢，淥熟左雞肉係好嫩身，而且份量頗多，夠3-4個人分量！而個湯都好清甜，清甜得黎有胡椒既辣味，豬肚都洗得好乾淨，都大大舊，滾下滾下非常入味！依到既牛同豬都用料上乘，好多選擇，有A5既鹿兒島牛、崩沙腩、濟洲黑豚肉等等，而今日我地簡既主角係至尊天九牛腩頭，真係第一次食，平時都係食開牛腹牛肩脊，牛腩頭原來都好正！牛腩頭一樣有雪花脂既分佈，唔會瘦丫丫，都唔會過肥膩口而且切成薄片放得好靚咁上，依到擺碟仲會有人個排九牌，好得意，今次個牌又教我牛滾十秒食得啦🤩牛肉入口肉質稔身，牛味係好濃😍😍😍一食就知係靚野，啖啖都好滿足！幾推介大家試下～畢竟唔係周圍有得食！之後就試一試依到既海鮮，今次點左二隻貴妃蚌，望落好新鮮，滾滾就可以食，入口肉質非常爽口彈牙，鮮味十足！另外手包餃子
餐廳既佈置裝修非常有心思，以霓虹燈牌做主要既店裡觸目既裝飾，而牆身都有手繪畫，好似令人置身係另一個繁華盛世之下。
裝修吸引，野食又如何呢🥢😋都好唔錯！！
醬料自助形式，選擇多，沙茶沙嗲同薑蓉都有！
鍋底點左個胡椒豬肚雞煲，有半隻既新鮮雞件，唔好睇少佢，淥熟左雞肉係好嫩身，而且份量頗多，夠3-4個人分量！
而個湯都好清甜，清甜得黎有胡椒既辣味，豬肚都洗得好乾淨，都大大舊，滾下滾下非常入味！
依到既牛同豬都用料上乘，好多選擇，有A5既鹿兒島牛、崩沙腩、濟洲黑豚肉等等，而今日我地簡既主角係至尊天九牛腩頭，真係第一次食，平時都係食開牛腹牛肩脊，牛腩頭原來都好正！
牛腩頭一樣有雪花脂既分佈，唔會瘦丫丫，都唔會過肥膩口而且切成薄片放得好靚咁上，依到擺碟仲會有人個排九牌，好得意，今次個牌又教我牛滾十秒食得啦🤩牛肉入口肉質稔身，牛味係好濃😍😍😍一食就知係靚野，啖啖都好滿足！幾推介大家試下～畢竟唔係周圍有得食！
之後就試一試依到既海鮮，今次點左二隻貴妃蚌，望落好新鮮，滾滾就可以食，入口肉質非常爽口彈牙，鮮味十足！
另外手包餃子同手打丸類試左「菜灼鹽搞唔餃」同「牛b子」，依到既菜式命名都玩味十足，其實即係菜苗餃同手打牛丸。
菜苗餃都足料，雖然唔係好大粒，不過皮薄餡靚。
而手打牛丸都唔馬虎，個人覺得依到比平時其他打得肉質更實，真係夠哂彈！牛味都好濃！
之後就到百花齊放蔬菜盤，三樣菜：唐生菜、西洋菜同豆苗。蔬菜都鮮甜，最愛豆苗😋
打邊爐最後點少得甜品，依到都算多野簡！今次簡左個「唔係椰菜花」姐係椰香脆麻花，依一款懷舊小食已經買少見少，餐廳做得好好味，脆麻花炸得唔油，配上大量既椰絲同蜜糖，甜而不膩，不錯不錯！
張貼
