影片
更多
2015-11-02
2179 瀏覽
朕既貼身隨從今日好主動咁話陪朕去睇玩具，咁朕就問佢係咪喺旺角等，佢同我講去天台等，吓！You Play Me（朕心諗），天台啲玩具鋪多得過旺角！但係既然佢咁主動話陪朕去睇玩具，盛情難卻，天台就天台啦！去到門口，大大隻字寫住玩具屋，仲唔係呢度，門口放左好多超合金，有黃金戰士，聖鬥士星矢，六神合體，宇宙大帝，龍珠，叮噹，美少女戰士，幪面超人都有，不過同朕既收藏都係差唔多，於是朕就落去入面個鋪睇下仲有咩野玩具！落樓梯，兩旁都係一啲熟悉既卡通海報，一落到去，吓！！！居酒屋黎既喂！原來朕既貼身隨從係諗住俾個驚喜朕，喺呢度可以一面欣賞同研究自己究竟有無睇過哂啲卡通片，一面同朋友食飯吹水，入面既裝修，全部都係圍繞七八十年代既卡通，有海報，又有公仔，一次過滿足哂兩個願望！呢度叫野食，除左可以睇餐牌，仲可以自己睇食材，睇啱就叫職員即燒。黎得居酒居，就緊係要有酒啦，朕就問店小二有咩好介紹，店小二話呢度有日本青酒，生啤，同埋東洋直送特別口味既啤酒，朕就緊係試下東洋口味啦！有白松露，芒果，綠茶同埋Wasabi口味！朕覺得白松露味配串燒，感覺最好，最配合。刺身沙律，用上新鮮刺身，沙律菜入口清新爽口，開胃頭盤！刺
去到門口，大大隻字寫住玩具屋，仲唔係呢度，門口放左好多超合金，有黃金戰士，聖鬥士星矢，六神合體，宇宙大帝，龍珠，叮噹，美少女戰士，幪面超人都有，不過同朕既收藏都係差唔多，於是朕就落去入面個鋪睇下仲有咩野玩具！
落樓梯，兩旁都係一啲熟悉既卡通海報，一落到去，吓！！！
居酒屋黎既喂！
原來朕既貼身隨從係諗住俾個驚喜朕，喺呢度可以一面欣賞同研究自己究竟有無睇過哂啲卡通片，一面同朋友食飯吹水，入面既裝修，全部都係圍繞七八十年代既卡通，有海報，又有公仔，一次過滿足哂兩個願望！
呢度叫野食，除左可以睇餐牌，仲可以自己睇食材，睇啱就叫職員即燒。
黎得居酒居，就緊係要有酒啦，朕就問店小二有咩好介紹，店小二話呢度有日本青酒，生啤，同埋東洋直送特別口味既啤酒，朕就緊係試下東洋口味啦！有白松露，芒果，綠茶同埋Wasabi口味！朕覺得白松露味配串燒，感覺最好，最配合。
刺身沙律，用上新鮮刺身，沙律菜入口清新爽口，開胃頭盤！
刺身拼盤，有翁姬，金目鯛，油金鯛，小鯛同埋主角Toro。Toro色澤粉嫩，入口即溶，魚香持久，食到滿口油香，大讚！
汁燒飽魚，用左秘製燒汁，塗在新鮮飽魚上，飽魚爽口彈牙，餸酒一流！
燒和牛，牛肉用上日本近江黑毛和牛，肉質柔滑，油花恰到好處，沒有神戶牛咁霸氣，反而多了一種細膩口感。
竹簽魚，燒到外脆內嫩，加上魚肉肥美，用黎佐酒，無得輸！
明太子燒飯團，食左咁多肉，點都要食番啲飯平衡下，呢個明太子飯團燒得火候充足，金黃香脆，加埋一片黃蘿蔔伴住吃，滿足！
最後，叫左個燒芝士年糕，外皮香軟，芝士入口煙靭，用黎為呢餐劃上一個完美既句號！
－－－－－完－－－－－張貼
