Neko Puff (已結業)

玉桂蘋果拿破崙🍎賣相方面，拿破崙包裝得穩陣，攞到返屋企都冇移位走樣，蛋糕表面用咗幾粒紅桑子同白朱古力葉子作點綴🍀牛油酥皮烤焗至金黃色，側面望落都有千層效果，每層嘅酥皮同忌廉約為一比一，忌廉之間略見蘋果粒，賣相不算特別花巧，但係都簡約吸引👌味道方面，店鋪標榜係用法國直送原材料，最令人驚喜嘅係忌廉部份，忌廉非常幼細香滑，甜而不膩👍酥皮做到酥香口感，亦帶牛油香，蘋果同肉桂亦係相當合襯，兩者嘅酸甜同獨特香味配合得唔錯～蛋糕店都有近十款拿破崙口味，比較特別嘅係可以選自由配搭兩款口味✌️