331
106
13
等級4
133
5
2021-02-05 2391 瀏覽
今次介紹既係一間隱身係上環熟食中心既港式老派茶檔,係港式茶記當中非常出名,當日最期六晏就3點去到都現人龍,等左3個字先有得坐,都可能因為疲情關係無咁多枱可以開。呢間熟食既招牌係樽裝奶茶同西多士,價錢貼地。-1️⃣ 西多士 💰27 (👅: 8.5/10)西多士係一種非常港式既美食,但今次呢個西多士同平時食既有唔同。平時食既西多士都係炸,呢間係用煎,而醬係用大量既煉奶同牛油去取代花生醬。西多都係即叫即整,溫度足夠,煎到好脆,比起炸會覺得無咁油膩,而且炸既就會成個都係同一個色,而煎就會有淺有深,有D位會煎到特別好食,個人覺得煎好食D之餘,工序應該係比炸更加用心。好明顯食得出蛋香,多士係浸左蛋漿先再羅去煎,呢點係我個人幾鍾意,不過未必個個鍾意。煉奶呢個配搭好新穎不過鍾意食開花生醬既就會唔慣同未必鍾意。-2️⃣⃣ 蛋牛包 💰18 (👅: 8/10)外面既包皮已經烘過,食落好似漢堡包既麵包皮,包非常鬆軟。入面係加左煎左既蔥花牛肉蛋,入口蔥花味超香,葱花味會比牛味更出,好有油香,味道非常港式,簡單但好味。-3️⃣ 樽仔凍奶茶 💰17 (👅: 8.5/10)樽仔凍奶茶係呢間既招牌,但只有凍奶茶無熱奶茶,無埋甜度無得
更多

今次介紹既係一間隱身係上環熟食中心既港式老派茶檔,係港式茶記當中非常出名,當日最期六晏就3點去到都現人龍,等左3個字先有得坐,都可能因為疲情關係無咁多枱可以開。
147 瀏覽
1 讚好
0 留言
126 瀏覽
2 讚好
0 留言

呢間熟食既招牌係樽裝奶茶同西多士,價錢貼地。
-
1️⃣ 西多士 💰27 (👅: 8.5/10)
西多士
$27
57 瀏覽
1 讚好
0 留言

西多士係一種非常港式既美食,但今次呢個西多士同平時食既有唔同。
平時食既西多士都係炸,呢間係用煎,而醬係用大量既煉奶同牛油去取代花生醬。
西多都係即叫即整,溫度足夠,煎到好脆,比起炸會覺得無咁油膩,而且炸既就會成個都係同一個色,而煎就會有淺有深,有D位會煎到特別好食,個人覺得煎好食D之餘,工序應該係比炸更加用心。
好明顯食得出蛋香,多士係浸左蛋漿先再羅去煎,呢點係我個人幾鍾意,不過未必個個鍾意。
煉奶呢個配搭好新穎不過鍾意食開花生醬既就會唔慣同未必鍾意。
-
2️⃣⃣ 蛋牛包 💰18 (👅: 8/10)
蛋牛包
$18
54 瀏覽
1 讚好
0 留言

外面既包皮已經烘過,食落好似漢堡包既麵包皮,包非常鬆軟。
入面係加左煎左既蔥花牛肉蛋,入口蔥花味超香,葱花味會比牛味更出,好有油香,味道非常港式,簡單但好味。
-
3️⃣ 樽仔凍奶茶 💰17 (👅: 8.5/10)
樽仔凍奶茶
$17
79 瀏覽
1 讚好
0 留言

樽仔凍奶茶係呢間既招牌,但只有凍奶茶無熱奶茶,無埋甜度無得揀。
飲落口感幾滑,覺得茶味同奶都平衡,同平時係出面要加冰既凍奶茶唔同(金鳳茶餐廳都係出名唔加冰),奶味會重過茶味小小,可能64比例,所以係偏甜小小,覺得會係易入口,不過奶茶都係好睇個人口味,鍾意奶茶可以試下岩唔岩自己口味。
-
4️⃣ 兩併麵 (沙嗲牛肉餐肉)💰33 (👅: 7/10)
兩併麵
$33
58 瀏覽
1 讚好
0 留言

唔食招牌,食落普通,因為等其他野食等太耐所以叫,唔太推介如果唔係真係好肚餓。
牛肉無好沙嗲,份量係足夠,湯無好特別沙嗲同好飲,麵有驚喜因為係用丁麵。
-
🌟鍾意食西多既都係非常推介去試,我個人好鍾意呢種煎既又用煉奶既西多,不過岩唔岩個人口味就真係要自己試完先知。
而奶茶都係推介,雖然我平時飲熱奶茶多,不過呢個凍奶茶都岩我個人口味,本身鍾意D奶味重D。
不過呢間太出名,放假要有心理準備排下隊。
-
👅味道: 8.5/10
🍴環境: 6.5/10
💰消費: 56 (服務費: NA)
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2021-01-23
等候時間
20 分鐘 (堂食)
人均消費
$56
推介美食
西多士
$ 27
蛋牛包
$ 18
樽仔凍奶茶
$ 17
  • 樽仔奶茶
  • 蛋牛飽