影片
更多
2019-10-14
96 瀏覽
朋友請我嚟試新餐廳補祝我生日，餐廳係我公司附近，樓上店地方較大，兩個人坐一大個卡位好舒服，原來呢度係食日本廚師發板嘅fusion菜，首先第一道菜賣相已經好吸引，雀仔嘅擺設，隔離有兩粒暗春蛋。第二道菜有我最鍾意嘅牛油果，我開頭以為係牛油果沙冰，點知原來另有乾坤，係牛油果配上Wasabi醬，入邊有一啲刺身撈埋一齊食，開胃有惹味。前菜已經令我好驚喜，有幾款唔同嘅新鮮刺身，最精彩係有三款魚子醬，魚子醬超級香，魚油香味充滿口腔，每食一啖都有幸福嘅感覺。羊肉茶壺湯，生嘅羊肉片，清湯滾好後即刻倒入湯度，味道清甜非常好味。之前話呢度係fusion 菜，我覺得呢一度係一個特色嘅菜，佢介紹係牛肉乾，好似抄牌嗰啲牛肉乾，係用和牛煎香，隔離呢張牛肉乾米紙，可以一齊食香香脆脆，好味又funny。蝦壽司本身冇乜特別，但出邊呢張紙用嚟包住一齊食，多咗一份煙煙un un 嘅感覺。鰻魚壽司燒到超香，個皮就燒到好似乳豬咁脆，非常好味，連本身唔食鰻魚嘅我都好想食多幾舊。呢款菜式真係非常貼近近排香港人嘅心情，獅子山下鹹魚白菜也好食，就係鹹魚白菜壽司配豆腐醬，最特別當然係呢塊餐牌，獅子山下歌詞，好有心思，忽然間覺得暖在心頭，好
朋友請我嚟試新餐廳補祝我生日，餐廳係我公司附近，樓上店地方較大，兩個人坐一大個卡位好舒服，原來呢度係食日本廚師發板嘅fusion菜，首先第一道菜賣相已經好吸引，雀仔嘅擺設，隔離有兩粒暗春蛋。
第二道菜有我最鍾意嘅牛油果，我開頭以為係牛油果沙冰，點知原來另有乾坤，係牛油果配上Wasabi醬，入邊有一啲刺身撈埋一齊食，開胃有惹味。
前菜已經令我好驚喜，有幾款唔同嘅新鮮刺身，最精彩係有三款魚子醬，魚子醬超級香，魚油香味充滿口腔，每食一啖都有幸福嘅感覺。
羊肉茶壺湯，生嘅羊肉片，清湯滾好後即刻倒入湯度，味道清甜非常好味。
之前話呢度係fusion 菜，我覺得呢一度係一個特色嘅菜，佢介紹係牛肉乾，好似抄牌嗰啲牛肉乾，係用和牛煎香，隔離呢張牛肉乾米紙，可以一齊食香香脆脆，好味又funny。
蝦壽司本身冇乜特別，但出邊呢張紙用嚟包住一齊食，多咗一份煙煙un un 嘅感覺。
鰻魚壽司燒到超香，個皮就燒到好似乳豬咁脆，非常好味，連本身唔食鰻魚嘅我都好想食多幾舊。
呢款菜式真係非常貼近近排香港人嘅心情，獅子山下鹹魚白菜也好食，就係鹹魚白菜壽司配豆腐醬，最特別當然係呢塊餐牌，獅子山下歌詞，好有心思，忽然間覺得暖在心頭，好想大叫一聲「加油」。
清淡過後呢個係蟹膏糯米飯卷，成支蟹膏節落飯上面，好香好好味，配埋三文魚子一齊食，真係好精彩，超正！
吞拿魚茸壽司，配上卜卜脆嘅東西一齊食，口感同味道都得以提升。
煎鵝肝配米通，一軟一硬嘅感覺，配埋酸酸甜甜嘅醬汁，一試難忘。
最後呢杯骨膠原奶凍，簡直係女士恩物，每一啖都有骨膠原，唔知食完會唔會靚啲呢。哈！總括嚟講呢間餐廳真係可以好舒服咁慢慢食慢慢嘆慢慢傾計，最後餐廳仲會送上兩杯無酒精嘅飲品，真係好耐未試過過一個咁relax嘅晚上。多謝朋友的生日飯😘
張貼
