影片
更多
2022-06-01
804 瀏覽
仲未有得返鄉下，唯有喺香港食正宗日本菜止止渴！去咗壽兵衛食壽喜燒慶祝，點了最豐富嘅Deluxe Wagyu Set，$980/位包前菜三點、刺身三點、蒸物、海膽和牛他他、季節野菜盛合、牛料理四品、食事、汁物及甜品，超級豐富。餐廳座位不多，全部都係席前料理，服務周到，裝潢亦走和風傳統設計，有去咗日本嘅感覺！ 前菜有水雲、鮟鱇魚肝及鮑魚。水雲配上酸汁，作為前菜好開胃。鮟鱇魚肝口感雖然唔想嫩滑，但肝香十足，同蘿蔔蓉味道配搭。鮑魚好腍。刺身三點刺身好新鮮，牡丹蝦肉質柔軟，帶子鮮甜，拖羅魚油豐腴。蒸物今次嘅蒸物係黑色嘅，原來係墨汁蒸蛋！第一次食墨汁蒸蛋，原來味道好鮮！師傅仲放上幾隻螢光魷魚，鮮上加鮮！海膽和牛他他海膽和牛他他好矜貴，配搭水晶梨真係好聰明嘅做法，水晶梨嘅香甜多汁剛好平衡咗和牛嘅膩，加埋鮮甜嘅海膽，整個味道同口感都好有層次！牛料理四品有4款牛部位做壽喜燒！第一款係熟成安格斯西冷。三成熟嘅西冷肉質啱啱好，柔軟細膩，同京葱同食，沾一沾日本赤蛋漿，好味！第二款係牛舌牛舌面頭鋪上淡雪鹽、蘿蔔蓉、葱粒及炸蒜片，口感爽彈，味道豐富。和牛肉眼A5和牛油花漂亮，分佈均勻，配黃雞蛋唔會遮咗和牛本身嘅肉
去咗壽兵衛食壽喜燒慶祝，點了最豐富嘅Deluxe Wagyu Set，$980/位包前菜三點、刺身三點、蒸物、海膽和牛他他、季節野菜盛合、牛料理四品、食事、汁物及甜品，超級豐富。餐廳座位不多，全部都係席前料理，服務周到，裝潢亦走和風傳統設計，有去咗日本嘅感覺！
前菜有水雲、鮟鱇魚肝及鮑魚。水雲配上酸汁，作為前菜好開胃。鮟鱇魚肝口感雖然唔想嫩滑，但肝香十足，同蘿蔔蓉味道配搭。鮑魚好腍。
刺身三點刺身好新鮮，牡丹蝦肉質柔軟，帶子鮮甜，拖羅魚油豐腴。
蒸物今次嘅蒸物係黑色嘅，原來係墨汁蒸蛋！第一次食墨汁蒸蛋，原來味道好鮮！師傅仲放上幾隻螢光魷魚，鮮上加鮮！
海膽和牛他他海膽和牛他他好矜貴，配搭水晶梨真係好聰明嘅做法，水晶梨嘅香甜多汁剛好平衡咗和牛嘅膩，加埋鮮甜嘅海膽，整個味道同口感都好有層次！
牛料理四品有4款牛部位做壽喜燒！
第一款係熟成安格斯西冷。三成熟嘅西冷肉質啱啱好，柔軟細膩，同京葱同食，沾一沾日本赤蛋漿，好味！
第二款係牛舌牛舌面頭鋪上淡雪鹽、蘿蔔蓉、葱粒及炸蒜片，口感爽彈，味道豐富。
和牛肉眼A5和牛油花漂亮，分佈均勻，配黃雞蛋唔會遮咗和牛本身嘅肉味。入口即化，滿滿嘅幸福感！
和牛西冷西冷肉味比肉眼更濃郁，食到呢度已經好飽啦。
季節野菜盛盒季節野菜盛盒好豐富，有日本洋蔥、赤蒟蒻、日本皇帝菜、豆腐、南瓜、金菇、冬菇、青蘋果、芋絲等。比較特別嘅係赤蒟蒻，好少見到，青蘋果燒過後唔會太酸，反而可以消滯，好味！
食事可以揀釜飯或者烏冬，我當然揀餐廳招牌嘅滿溢筋子釜飯啦！呢個釜飯最特別嘅地方就係可以自己無限任添三文魚籽，只要唔浪費就得！本身個釜飯都好香，用咗甘筍、蓮藕、冬菇、蟹肉、蜜糖豆、香蔥同黑松露，加埋晶瑩剔透嘅三文魚子，食落啖啖鹹香！
以下嘅三文魚子份量係師傅加比我嘅，都好慷慨呀！
赤麵豉湯最後飲碗湯暖暖胃。
甘物一頓完美嘅晚餐又點少得甜品呢？甜品竟然都有兩款之多！分別係水信玄餅同菠蘿雪葩。水信玄餅黑糖蜜同黃豆粉，口感清爽，菠蘿雪葩則解渴消暑，酸酸甜甜！
整體食物質素好高，份量亦好多，整個體驗令人有返鄉下嘅感覺，開心！
張貼
