壹籠籠點心 (已結業)

最近路過牛頭角突然想食點心，見到呢間點心店叫壹籠籠點心廿四tea又好似幾得意甘就同朋友去試下食，店員安排左卡位位置給我們，坐位位置舒適，餐廳點餐形式方便可以用QR Code掃描之後電話落單，如有長者亦可以用紙畫點心落單，我地今次用左電話落單方式。"bi~bi~bi~"嘩~送餐小火車沿住路軌話甘快就將點心送到我地張枱，只要拎起籠點心，禁個制小火車就會送反小火車離開。出餐速度比想像中快。小朋友見到兩架不同既小火車應該會好開心。食物方面：點心選擇非常多，有些點心更有一盅三件或四件的，點心比平時食的迷你，不怕會食膩又可以叫多幾款不同的特色點心同朋友分享。食物即叫即蒸。推薦既點心呢～小編喜歡脆炸流心箭豬包，外型可愛既箭豬包熱辣辣仲有特別既流心奶皇涵，好好味，外脆內流心。仲有魚型既蝦餃，皮薄涵料多。金錢肚好入味。鯉魚芒果布甸迷你版都好多芒果嫁。仲有原盅燉湯好足料。建議如果荷葉飯再入味d就好了。鵪鶉蛋燒賣都好好味。食物質素好，而且最好的是餐廳既營業時間去到晚上凌晨，隨時幾時想食點心都可以去食，外賣又得，堂食又得。