興華美食 (已結業)

行過紅磡見到呢間黃店，俾佢招牌個年份吸引咗，想試吓係咪真係老字號。見到佢個招牌啲餐單都幾得意，啲名都幾特別，我咁鍾意叫雞，梗係叫返個「全部都係雞」啦。全部都係雞入邊有雞軟骨，炸雞球，炸雞皮。佢個雞皮真係炸到脆卜卜，有啲似泰國嘅炸豬皮，不過就會韌啲。而佢個炸雞球都唔錯，炸粉唔會太厚，咬開重好Juice添。而佢啲雞軟骨都好濃味，送酒一流。另外仲揀咗個一口西多士，呢個應該係即叫即炸。所以個包仲好軟熟，中間仲有花生醬添。