去滾

營業中

休息中

平時經過銅鑼灣都有聽過呢間火鍋餐廳個名覺得幾得意，然後上網search一下見到裏面嘅裝修都好有特色好得意，好靚，所以就搵次去銅鑼灣行街嘅時候順便喺呢度食晚飯打邊爐，上到去等咗一陣之後入去坐低，枱面已經有齊晒所有你想要嘅嘢，例如食具，點菜只， Menu，同埋最緊要嘅就係圍裙，發覺而家好多火鍋店都開始做埋呢樣野，好貼心咁比客人穿上圍裙，就唔會彈到成件衫都係，佢哋有啲set餐係傻二人或四人，有啲就散叫，我哋就叫咗個番茄薯仔湯底喎，海鮮二人套餐，當中包括左炸龍蝦球，蔬菜拼盤，魚皮餃，雪場蟹柳腳，同埋一個海鮮拼盤，而海鮮拼盤當中有海蝦，元貝，貴妃蚌，象拔蚌BB同埋花甲，蔬菜拼盤就有粟米，生菜，炸芋頭，湯底嚟到之後等咗一陣就開始食得啦，值得推介佢哋嘅蕃茄薯仔湯真係好濃郁，好夠味，唔同出邊一般火鍋店嘅蕃茄湯底比較水，佢哋嘅就真係可以當湯咁飲，我都已經飲咗好幾碗，先講吓海鮮拼盤啦，所有海鮮都非常新鮮，亦都非常大隻，真係值得推介嚟呢度食海鮮，我亦都見到佢哋有魚缸飼養海鮮，所以真係新鮮嘅，其他食材都正常可以，一大班朋友真係可以嚟呢度試吓，因為我見到佢哋亦都可以有房坐，啱晒鍾意有私穩度嘅一大班朋友啦👍🏻👍🏻