滿屋廚房 (已結業)

如果唔係為咗個寶貝仔，都唔會山長水遠入到荃灣，你點知豬仔喺地鐵到瞓着咗，唯有食咗嘢先去D park 玩。想搵間簡單嘅小食店，邊度有位就坐邊度，最後比呢間雞蛋仔吸引左。坐低搵左位，要抄低枱面個Number去自助叫嘢食，因為下午茶時間，所以食物相都冇乜特別講究叫咗三個小食。千島海鮮pizza賣相一般味道一般。章魚丸子雞蛋仔，呢個嘢食好神奇，神奇在於佢將章魚小丸子改良，連拎支叉去轉小丸子都慳返，慳水慳力。最後係越式小食，不過不失。總括而言，我只能夠當佢係一間好簡單嘅小食店，買燒賣魚蛋嗰隻，所以冇咩expectation ，中規中矩。