更多
2018-07-09
74660 瀏覽
之前已經決定今年生日大餐食自助山，所以早於2個星期前訂位，但訂位時打了幾次電話都無人聽，一個電話號碼長嘟，另一個電話號碼就只有留言，話如要訂位上佢地個網頁訂，於是我就在The Grand Buffet網站訂位了。自助餐有2輪用餐時間，我揀了第一輪17:45—20:00，並填上基本個人資料，及要求坐窗口位，完成訂位後，好快便有電郵回覆確定訂位，可惜的是她客氣地回覆已經沒有窗口位了，但說如果有人no show便會安排比我，鬼叫自己咁遲訂都無法呢。於用餐前－日也會send電郵比我，並說明價錢每位＄668+10％，男仕有dresscode,及要我回覆是否出席。我建議－定要填上自己電郵地址，而且我估他們可能不接受電話預約！終於等到今晚，我同黃兔懷著興奮心情，但又大鄉里擔心不識上去，好彩來到合和中心有清晰指示撘去自助山的lift，首先撘上去17／Ｆ轉乘，－出lift便見到自助山甜品店，直入搭lift去56／Ｆ，一出lift見到自助山sofa區，再直行撘lift去62／Ｆ。自助餐開始時間會多人等lift，建議提早少少去轉左兩次lift後，終於上到62／Ｆ，一出lift就見到侍應們－字排開歡迎客人及帶
於用餐前－日也會send電郵比我，並說明價錢每位＄668+10％，男仕有dresscode,及要我回覆是否出席。我建議－定要填上自己電郵地址，而且我估他們可能不接受電話預約！
終於等到今晚，我同黃兔懷著興奮心情，但又大鄉里擔心不識上去，好彩來到合和中心有清晰指示撘去自助山的lift，首先撘上去17／Ｆ轉乘，－出lift便見到自助山甜品店，直入搭lift去56／Ｆ，一出lift見到自助山sofa區，再直行撘lift去62／Ｆ。自助餐開始時間會多人等lift，建議提早少少去
轉左兩次lift後，終於上到62／Ｆ，一出lift就見到侍應們－字排開歡迎客人及帶位，好快我地被安排入座，最開心係竟然有窗口位安排比我地，好幸運哦因為係旋轉餐廳關係，每次個境觀都不同，居高臨下睇維港又有另一番風味
睇埋食物重興奮，有好多款選擇呀記憶中有:
新鮮甜美海鮮有長腳蟹，面包蟹，雪場蟹腳，凍蝦，花螺，青口等，但沒有生蠔！
新鮮厚切刺身有甜蝦，帶子，三文魚，吞拿魚及油甘魚等等！
熟食區有海鮮西班牙炒飯，海鮮冬陰公，鵝肝，即切西冷，焗蠔，燒韓牛，燒蝦，脆皮乳豬，香滑黑松露滑蛋，蟹肉西蘭花，足料雜菜湯，鮮甜蟲草雞湯，燒羊架，超淋超入味的燉鮑魚海參花膠還有新鮮沙律吧等等！
而最吸引我係甜品區，不單只款式多，蛋糕櫃入面的蛋糕及馬卡龍好靚好吸引每款蛋糕我都有試，味道不太甜，有水準好美味還有榴槤燉蛋，清新的柚子雪葩，香甜的士多啤梨雪葩，靚靚的朱古力噴泉，最特別係用閃光棒（有三段閃燈模式）代替竹簽整棉花糖，好靚又好玩，小朋友最中意
剛好用餐完畢轉了－圈，今晚食得好滿足，視覺味覺好享受，本人覺得真係物超所值！
張貼
