米克.諾斯 (已結業)

昨晚和朋友來吃晚餐，來到後發現地方非常細。我點了牛扒餐，餐湯名為希臘湯，但味道似足金寶雞湯，前菜是兩件疑似春卷的物體配芒果沙沙醬，主菜是牛扒配酸梅醬，五成熟，size得一隻手掌大，普通貨色，肉質有d硬，配菜少到喊，得幾條超幼薯條加三條荷蘭豆（真的得三條，多一條都冇），沒有白飯或意粉，收得咁貴本身都expect每人一份甜品，到最後每人得一細條西班牙油炸鬼，大約得一隻手指的size。餐飲是小半杯有氣梳打加幾粒像手指甲般大小的生果。整個晚餐最令人失望的是份量，每樣得好少，盛惠$250/位。這間餐廳真的不可一，不可再，以後不會再來。