段純貞牛肉麵 (Tower 535) (已結業)

銅鑼灣謝菲道535號Tower唔知幾時已變成新蒲點，新食點，今日來到『段純貞』～台灣牛肉麵的名牌。發現竟然有麻辣味嘅麵，正合朋友心意，佢點咗『麻辣嫩五花牛肉麵』(手工麵)，為何揀手工粗麵，佢話平時食得幼麵多，咪試吓粗麵囉，就咁睇好粗條，厚薄程度不一，絕對係手工製造，而且更易挂汁，朋友話唔算太辣，係佢可以接受的辣度，牛肉好滑嫩。『原味牛肉麵』(幼麵)係我叫嘅，濃郁嘅湯底，配埋傳統製法，氣孔多多的幼麵，吸收埋湯汁精華，還有入味的大大舊牛肉，真真好享受。『新鮮豚肉鍋貼』有亮麗的外表，有飽滿的餡料，唔錯。『荔枝乳酸飲料』和『珍珠奶茶』亦係正常好味道。