更多
2019-07-30
1494 瀏覽
今日早收工 同友人嚟咗好近太子港鐵站嘅吉列牛專門店🙊 雖然舖頭唔算大 但都有兩張卡位 又有bar枱😬 店內較暗 但幾有情調 我地總共嗌咗三樣野食明太子手羽燒 雞翼外面炸得好香脆 炸粉唔會太厚 咬落去有好多明太子釀咗喺雞翼入面 有好輕微嘅辣味 又有肉汁 係一碟幾好食嘅小食🐥和牛涮涮鍋 牛肉上碟嗰陣仲係半生熟嘅 又有好多蔬菜係底 有金菇 娃娃菜 冬菇 豆腐 蛋 仲有大蔥 和牛食落口肉質鮮嫩 牛味好重😻😻湯底係傳統日式湯底 但係唔會係好甜嗰隻 味道啱啱好安格斯盛合 嚟到呢間吉列牛專門店 冇理由唔食返呢度嘅招牌菜嘅☺️ 店員一開始俾咗個鐵板同調味料我地 跟住吉列牛上檯 牛肉脂肪比例好均勻 出面有一層薄薄嘅吉列炸粉 然後放上熱辣辣嘅鐵板上面 聽到煎肉嘅嗞嗞聲 真係聽到都流口水🤤 煎好咗嘅吉列牛唔算係入口即溶 但係油香好重 全個口腔都有嗰陣牛油香味 最後食埋配菜 翠玉瓜同南瓜煎完之後都好香牛油味呀🎃呢間餐廳牛肉嘅質素好高 無論係炸嘅吉列牛定係淥熟嘅牛肉涮涮鍋都食得出牛肉嘅嫩滑 如果你係牛魔王 就一定要嚟試吓啦😛
今日早收工 同友人嚟咗好近太子港鐵站嘅吉列牛專門店🙊 雖然舖頭唔算大 但都有兩張卡位 又有bar枱😬 店內較暗 但幾有情調 我地總共嗌咗三樣野食
明太子手羽燒 雞翼外面炸得好香脆 炸粉唔會太厚 咬落去有好多明太子釀咗喺雞翼入面 有好輕微嘅辣味 又有肉汁 係一碟幾好食嘅小食🐥
和牛涮涮鍋 牛肉上碟嗰陣仲係半生熟嘅 又有好多蔬菜係底 有金菇 娃娃菜 冬菇 豆腐 蛋 仲有大蔥 和牛食落口肉質鮮嫩 牛味好重😻😻湯底係傳統日式湯底 但係唔會係好甜嗰隻 味道啱啱好
安格斯盛合 嚟到呢間吉列牛專門店 冇理由唔食返呢度嘅招牌菜嘅☺️ 店員一開始俾咗個鐵板同調味料我地 跟住吉列牛上檯 牛肉脂肪比例好均勻 出面有一層薄薄嘅吉列炸粉 然後放上熱辣辣嘅鐵板上面 聽到煎肉嘅嗞嗞聲 真係聽到都流口水🤤 煎好咗嘅吉列牛唔算係入口即溶 但係油香好重 全個口腔都有嗰陣牛油香味 最後食埋配菜 翠玉瓜同南瓜煎完之後都好香牛油味呀🎃
呢間餐廳牛肉嘅質素好高 無論係炸嘅吉列牛定係淥熟嘅牛肉涮涮鍋都食得出牛肉嘅嫩滑 如果你係牛魔王 就一定要嚟試吓啦😛
張貼
