牛魔

營業中

休息中

放假約咗友人去尖沙咀行街，佢提議嚟呢間餐廳食咗lunch先。Lunch set除咗主食外，仲有前菜、白飯同埋麵豉湯。前菜有兩款，一款係粟米芝麻醬蔬菜沙律，另一款係芽菜，味道清新爽脆。麵豉湯比較清甜，入面有豆腐粒同海帶。我揀咗牛魔鐵板牛肉，牛肉上檯時大概7成熟，肉質嫩滑仲好juicy。 表面灑上芝麻食落好香口，點埋特製嘅醬汁更加好味。友人揀咗宮崎和牛咖哩漢堡，和牛絞碎搓成球體再烤熟，最後喺上面淋上一層芝士，點上日式咖哩汁食落味道好有層次好好食。另外我哋點咗巨峰梳打同鳳梨梳打，兩杯都好夠氣，飲落好爽！