牛涮鍋もっと (已結業)

早前聽朋友話樂富廣場大裝修完，牛涮鍋重開，仲係牛涮鍋其他line，叫mou mou motto，呢間牛涮鍋有別於其他牛涮鍋係，除左有一般打邊爐配料、沙律、雪糕機、甜品、自助飲品外，仲多左炸物添，都係任食架！當日1點到場，大概等左十分鐘就可以入場啦！入到去環境唔錯，乾淨，如果兩人要搭台，中間會有塊木板隔住，保持私隱度，值得加分。我同男朋友揀左60分鐘午市放題，揀左沙爹同麻辣湯底，包一盤鮮／素丸子，素丸子就要提早一日預訂，我揀左雞肉拼牛肉，男朋友揀左海鮮拼盤，海鮮食得到雪味，唔新鮮，肉都可以，加埋任食配料，唔記得留肚食雪糕，男友話雪糕好滑好香，好後悔呀，真係食到好飽，埋單兩人唔洗二百蚊，算抵食，ｏｋ既。