相馬日式火鍋 (已結業)

我想食炸雞，但是Honey話想食放題，我當然要遷就佢啦，搵咗間新嘢，位置喺荃灣大鴻輝中心21樓，高高在上食火鍋放題，零舍開胃。放題套餐有數款套餐，我哋揀咗【美國特選牛肉】$228。地方都幾大，座位好寬敞，抽風系統不錯。自助汽水、各式飲品和雪糕，飲任飲食。亦有好多其他火鍋配料，例如丸類、蔬菜、粉、麵、烏冬等等，啱晒我。湯底揀咗清湯。呢間店的鍋子比一般的店子大得多，所以可以一次過放好多食材落去都唔怕。牛肉、豚肉都係靚嘢，烚兩烚就食得，好味道。同場加影有炸物放題，即點即炸。點咗墨丸、南瓜芝心丸、露筍，仲有炸雞唐揚。哈! 仲以為今晚無得食炸雞，原來上天對我不薄，來食火鍋，竟然都有炸雞食。