等 (已結業)

今日同朋友仔過左黎食lunch, 地方唔算好大，繁忙時間限時90分鐘.✨黎左野飲諗住係跟佢個set, 有餐湯同麵包。追問之下居然話無晒湯，所以無set, 心諗有冇搞錯，果時其實都係12點幾。單點左杯茶，感覺笨實左✨紐西蘭肉眼扒配薯菜（$168): 無得㨂幾多成熟，因為佢話佢地係cafe, 所以只能盡量follow 我地既7成熟。黎到係完全well done, 第一舊食正個邊位，真係硬過你條命.𡁻左我勁耐，其他部位都係硬哽，真係浪費左塊牛扒。 我真係未食過咁硬嘅牛扒,其他薯角，甘荀仔果d 味道正常。✨明太子蟹棒海膽意粉： 身為明太子既fans，呢個明太子醬係好食既，蟹棒大條鮮味，海膽新鮮無怪味。✨伯爵茶巴斯克蛋糕： 切落去以為好硬，但食落去有幾軟滑，同埋帶點伯爵茶香。味道ok埋單點知淨係收現金🤨一向都唔多帶錢出街既我，好彩朋友有現金，呢一下再次扣分。 野食其實唔算平，服務態度mama, 應該都唔會再嚟