泰樂廚 (已結業)

天寒地凍, 師傅放左監都唔知食咩好? 但又凍凍地, 心諗不如食d冇人性嘅食物~煲仔飯, 但又唔知邊間好味喎, 行黎行去都揀唔啱, 唯有放棄啦! 忽然師傅醒起呢度有間食店, 加上又未食過, 雖然唔係食煲仔飯, 但試一次亦冇壞!入到去都算唔少人, 不過地方就幾細, 坐底後就睇下有咩好食先, 左睇右睇, 前睇後睇都唔覺有咩吸引, 你話死未? 師傅嗰一刻真係有點兒後悔入左黎呢度, 不過痛定思痛後還是照樣落單, 於是師傅就柯打一碟青咖哩牛肉飯, 飲品都費事要添呀!等左一陣就有得食, 青咖哩牛肉飯係分開上, 青咖哩牛肉一兜, 白飯一碟, 師傅第一時間就梗係試下個汁先啦, 汁底比較稀, 咖哩唔算香, 不過泰式咖哩就預左唔香, 但辣味佢喺餐牌就比左兩隻辣椒仔, 點知師傅試過後發覺係微辣, 唔算吸引, 加上牛肉又乾又韌, 一d都唔似牛肉, 似豬肉多d, 加上白飯都硬硬地, 唔多好味!總括黎講食物質素唔得, 師傅淨係試個青咖哩後就已經肯定唔會再黎, 而服務一般, 環境就唔算乾淨, 勉強合格啦, 價錢就中價, 三十五蚊碟青咖哩牛肉飯, 咁嘅水準唔算抵食; 師傅成餐飯食得真係唔係咁過癮, 皆因牛唔似牛, 豬唔