影片
更多
2021-12-05
648 瀏覽
鍾意食北京填鴨，一定唔可以錯過沙田Hyatt大名鼎鼎既沙田18- - - (՞•Ꙫ•՞) - - -▫️傳統北京烤填鴨 (半隻 / 全隻) 二食 鴨鬆生菜包、三食 紹菜豆腐鴨骨湯 ▫️明爐烤蜜汁叉燒▫️萵筍鮮菌腐皮卷▫️杞子瑤柱魚湯皇帝苗▫️豉香蒸鮮膏蟹砵沙田18除咗出名北京填鴨之外，一位難求都非常出名😆 記得大概五六年前，要定位可能只需要幾日前reserve就可以；宜家多咗人慕名，再加上staycation潮，要訂位就難上加難勒！同埋啵，訂到位亦未必訂到片皮鴨，訂到鴨都未必訂到叉燒😆 所以決定嚟既朋友，記得打電話時一次過reserve曬，免得到時嚟到先知無得食！沙田18係出名正宗片皮鴨，即係先食皮沾糖，再食鴨皮連肉沾醬，再食淨肉配包皮同配菜。上菜既時候，師傅都會親自喺你枱邊片肉，而上枱既時候店員都會好細心講解次序。二食就係炒到充滿油香既鴨鬆配生菜包，鴨鬆既油膩同爽脆生菜非常平衡，好好味。最後就係香噴噴，熬至乳白色既鴨骨湯，諗起都流口水！講完片皮鴨，長氣啲介紹埋另一個招牌菜，就係叉燒！個人覺得呢，唔需要訂既呢個明爐烤蜜汁叉燒係唔需要試，不過不失，正常叉燒，偏韌；一定一定要試既係玫瑰露叉燒，呢個係
- - - (՞•Ꙫ•՞) - - -
▫️傳統北京烤填鴨 (半隻 / 全隻)
二食 鴨鬆生菜包、三食 紹菜豆腐鴨骨湯
▫️明爐烤蜜汁叉燒
▫️萵筍鮮菌腐皮卷
▫️杞子瑤柱魚湯皇帝苗
▫️豉香蒸鮮膏蟹砵
沙田18除咗出名北京填鴨之外，一位難求都非常出名😆 記得大概五六年前，要定位可能只需要幾日前reserve就可以；宜家多咗人慕名，再加上staycation潮，要訂位就難上加難勒！同埋啵，訂到位亦未必訂到片皮鴨，訂到鴨都未必訂到叉燒😆 所以決定嚟既朋友，記得打電話時一次過reserve曬，免得到時嚟到先知無得食！
沙田18係出名正宗片皮鴨，即係先食皮沾糖，再食鴨皮連肉沾醬，再食淨肉配包皮同配菜。上菜既時候，師傅都會親自喺你枱邊片肉，而上枱既時候店員都會好細心講解次序。二食就係炒到充滿油香既鴨鬆配生菜包，鴨鬆既油膩同爽脆生菜非常平衡，好好味。最後就係香噴噴，熬至乳白色既鴨骨湯，諗起都流口水！
講完片皮鴨，長氣啲介紹埋另一個招牌菜，就係叉燒！個人覺得呢，唔需要訂既呢個明爐烤蜜汁叉燒係唔需要試，不過不失，正常叉燒，偏韌；一定一定要試既係玫瑰露叉燒，呢個係要book枱時候訂既！叉燒即場用玫瑰露喺你面前燒，酒香油香全間房都係，即燒即食一定唔會韌，然後亦可以依你喜好，厚切或薄切。幾年前食過，真係念念不忘，呢個例牌蜜汁叉燒真係無得比！
最後值得講埋既係好有驚喜既呢個蟹砵，非常非常回味！係本身叫咁多嘢食諗住唔洗食飯，都會因為佢忍唔住叫一碗！豉油味好香，揭開蟹蓋，係爆膏～！成個砵足料，蟹腳啖啖肉，真係食唔曬都一定一定會有衝動打包！順帶講埋其實個魚湯皇帝苗都好好味，杞子超甜，魚湯超滑，女仔至愛吖！唯獨個腐皮卷係麻麻，無咩特別需要介紹，哈哈！
張貼
