明星海鮮酒家 (已結業)

突然想食片皮鴨，近近地去左石圍角明星海鮮酒家。

六點去到好少人，即刻有位，環境都寬敞光猛。因爲得自己一個，就淨係叫左片皮鴨$128。等左5-10分鐘到片皮鴨就到左，跟兩醬兩青瓜(記得以前係用京蔥)。啲皮就暖暖地，唔算熱，質地厚度都正常。但個鴨！勁凍勁乾，乾到個皮係韌嘅，好難咬。鴨肉乾到好鞋，一啲油份都無，唔知係咪放左好耐。

片皮鴨

$128

片皮鴨

$128

食完有三塊西瓜送，再叫左個紅豆沙。個味道其實ok, 有陳皮味，唔太甜，有起沙，但係真係太多豆，好傑，豆多過水。

紅豆沙

$8

Total $164, 食片皮鴨係幾平嘅, 但質量真係退步左好多，個紅豆沙真係唔多掂。不過以前食過佢啲小菜都唔錯嘅，下次可以再試下。啲姐姐都好nice。