八幡屋日本料理 (已結業)

同阿爸慶祝父親節，黎左八幡屋食放題，好彩一早book左枱，上到黎全場爆滿，門口仲有好多人等位呀！放工已經好肚餓，一坐低梗係劃劃劃，寫寫寫，好多野食揀，壽司、刺身、鍋物、炸物、應有盡有，仲加左錢升左級，有我同阿爸至愛嘅生蠔任叫呀～！！點完野，食物好快黎。食咁多次放題，得呢度有生薑，阿爸話食日本野一定要有生薑，哈哈，又叫返一客比佢食下。右上將軍沙律，有温泉蛋撈生菜，好味。左下蟹籽沙律，沙律醬略微多了點，青瓜很新鮮。右下韓式牛舌，微微辣好開胃，牛舌煮得好淋好入味。左上一般刺身，左下係升級版刺身，右上生蠔用上小匙羹上好特別，同樣新鮮肥美，點幾多黎幾多無扣數，good呀。壽司，燒鯖魚，焗蠔等，火灸壽司真係好香口，入口又滑又甘香，好味好味。等得較耐嘅串燒，冬菇好厚身好香，秋葵好少地方有得食，原來燒都好好味，平時通常煮咖喱先食到。手卷同軍艦都係阿爸叫，佢話好新鮮，又唔會好大舊一件飽，抵叫黎食！燒粟米又係一定要叫之物，甜粟米配滆左嘅牛油真係一流。枝豆係我至愛小食之一，叫黎過下口引唔錯。炸芝士年糕真係邪惡之物，對佢又愛又恨呀，好好味但又好高熱量，只能小食多滋味了。食飽飽又到甜品時間，叫左綠茶同荔枝雪米糍