茶湯會 (新都城中心) (已結業)

今日同朋友傾計傾開，發現茶湯會新出左吐司系列，除咗飲品之外，仲新增咗小食，一於決定去試吓呢一個all day set係一個飲品配一款小食，有三種價錢，而我哋今次決定試嘅係爆漿珍奶吐司，真係未試過原來珍珠都可以放喺多士裏面，而且出奇地夾，珍珠多到一切開滿瀉出黎，所以每一啖吐司都會有多珍珠而且吐司亦都非常脆，做得幾出色！而飲品方面唔需要多講都知道係好好飲，一直都係茶湯會嘅粉絲，必飲推介一定係新鮮水果茶，同埋燕麥觀音拿鐵水果茶非常足料，飲得出唔係糖水嗰種死甜，係新鮮水果打出嚟燕麥觀音拿鐵裏面嘅燕麥配料非常多，甜甜地，無苦嘅感覺！利用茶底配拿鐵真係唔係間間都可以做到咁出色