更多
2021-08-16
500 瀏覽
最鍾意去居酒屋食嘢,除咗食物好食,氣氛都好重要。呢間位於銅鑼灣登龍街樓上鋪嘅牛惣居酎屋,食物唔錯氣氛亦好。呢間店係主打日本燒酎,酒精度比清酒高,所以會選擇溝果汁或梳打一齊飲。店舖雖然主打串燒,但店員介紹有一種叫真鯒嘅白身魚,係時令魚,加酸汁食,清清爽爽唔錯。講返串燒,呢間店主打牛類,叫咗橫膈膜Set,有四串燒牛橫膈膜,分別配上唔同嘅醬汁,有青蔥,Wasabi莖,蜜糖芥末同埋黑芝麻醬,各有特色,好抵食。之後嘅牛類有牛舌,牛小腸,同芝士牛肉卷。牛脷經常都食,呢度都係用牛舌芯,厚薄適中,咬落去彈牙又多汁,好好食。牛小腸好少見,咬落去都唔算太肥,煙煙韌韌幾過癮。芝士牛肉卷就極度邪惡,有啲似食芝士漢堡嘅感覺,加咗芝士肉味更濃。食串燒點少得雞翼,再加埋雞心。雞翼燒到皮脆肉裏面仲有汁,只係簡單用鹽調味已經好好食。雞心都係鹽燒,同樣唔會燒到太乾,咬落仍然有肉汁。另外朋友鍾意食白鱔,叫咗兩串,呢個白鱔我覺得係全晚最好食嘅,因為個皮亦燒到非常脆,好似食薯片咁,而裏面嘅肉仍然非常嫩,好好食。為咗增加飽肚感,就食咗個燒飯團配鹹牛肉,飯團師傅好用心慢慢燒,燒到表皮香脆再响上面加啲鹹牛肉醬,鹹鹹香香幾好食,但因為
呢間店係主打日本燒酎,酒精度比清酒高,所以會選擇溝果汁或梳打一齊飲。
店舖雖然主打串燒,但店員介紹有一種叫真鯒嘅白身魚,係時令魚,加酸汁食,清清爽爽唔錯。
講返串燒,呢間店主打牛類,叫咗橫膈膜Set,有四串燒牛橫膈膜,分別配上唔同嘅醬汁,有青蔥,Wasabi莖,蜜糖芥末同埋黑芝麻醬,各有特色,好抵食。
之後嘅牛類有牛舌,牛小腸,同芝士牛肉卷。牛脷經常都食,呢度都係用牛舌芯,厚薄適中,咬落去彈牙又多汁,好好食。牛小腸好少見,咬落去都唔算太肥,煙煙韌韌幾過癮。芝士牛肉卷就極度邪惡,有啲似食芝士漢堡嘅感覺,加咗芝士肉味更濃。
食串燒點少得雞翼,再加埋雞心。雞翼燒到皮脆肉裏面仲有汁,只係簡單用鹽調味已經好好食。雞心都係鹽燒,同樣唔會燒到太乾,咬落仍然有肉汁。
另外朋友鍾意食白鱔,叫咗兩串,呢個白鱔我覺得係全晚最好食嘅,因為個皮亦燒到非常脆,好似食薯片咁,而裏面嘅肉仍然非常嫩,好好食。
為咗增加飽肚感,就食咗個燒飯團配鹹牛肉,飯團師傅好用心慢慢燒,燒到表皮香脆再响上面加啲鹹牛肉醬,鹹鹹香香幾好食,但因為個飯團都幾大件,啲牛肉醬如果再多啲或者鹹少少就更加好送飯啦。
今晚埋單大約$1400,飲飽又食醉,食物質素唔錯,性價比幾高,值得再去嘅串燒店。
張貼