牛繁 (海之戀商場)

今日係久違嘅家庭聚餐…諗極都諗唔到食咩，於是我就揀左呢間我3年前食過既餐廳！我之前係食尖沙咀店，今次試下海之戀店！都唔錯^_^
我地6個人叫左6人餐！原價1888，做會員可以減100，同埋有雪糕兌換，埋單個時記住儲分，之後可以兌野！

我會覺得如果六個人都大食嘅話，呢個份量絕對OK。但如果六個人入面唔係全部人都大食呢我會建議可能點四至五人餐，跟住再搭配自己其他肉，因為始終套餐綁死左某d肉！

另外除左食物質素唔錯，仲有店員既服務態度都好好，上菜速度亦好快，十分用心！

總括嚟講，係一間可以回頭再食既餐廳…大家可以book定位～

呢個係套餐包左既，每人一細碗蛋撈飯！蛋香再配飯，冇得輸

份量完全冇手軟，重點係味道都好好味🤤

佢有蝦同帶子揀 我地揀左帶子 幾新鮮

其實仲有勁多肉 但我地太肚餓 冇咩點影晒 😜

食燒肉就係要配beer!!!