宮崎日式燒肉店 (已結業)

近排天氣咁凍，日日打邊爐打到悶，今晚搞搞新意思，試下呢間日式燒肉先。見佢係任食形式，除左燒肉，仲有魚生、壽司、炸物等等，選擇都幾豐富喎。八色燒肉一坐低，即刻上個八色燒肉先，賣相唔錯喎，款款唔同味道，又幾得意呀！個人最鍾意紅酒味！自己其實唔係太精於燒肉，技術麻麻，不過為左食，無計啦！憤怒火牛仔二人同行仲送多份鮮味之選，唔駛諗，即刻揀左憤怒火牛仔。賣相固然好，味道同樣出色，少少辣，牛肉夠薄好易燒。開始睇下點菜紙先，有成八張咁多，見到都開心啊。由於太肚餓既關係，幾分鐘我地已經揀好啦。燒汁薄牛呢個好得我歡心，無辦法，易燒又好味。兩邊反幾下變哂色就食得，自己燒有個好處就係自己控制埋火喉時間，唔會太熟太韌，仲保持到juicy。佢仲有辣味紅酒同胡麻，不過個人最愛都是簡單的燒汁。特級燒汁牛胸腹牛胸腹亦是我每次燒肉必點之物，理由同上。而且佢更稔身，入囗更香牛味。雞翼及雞腿肉雞翼夠哂入味，而且雞腿肉啖啖肉。友人一分心，比我自已燒下雞翼，結果。。。。。。燶哂！唯有再燒過啦。海鮮估唔到呢個價錢，海鮮質素又唔差喎。蝦都幾大隻，燒完唔會縮哂水。蜆亦是我必點之物。睇住佢由封口到慢慢開口，細細隻，但夠鮮味。炸物除左燒