大家樂 (V Walk) (裝修中)

肚餓唔知食乜嘢好，好自然兩隻腳就會行去大家樂「如果附近係有大家樂的話」， 對我嚟講係自然反應。今日就食「燒肉拼叉燒飯」，諗住有飯有肉一定飽肚，一定開心，不過原來一切都唔係必然嘅。我呢碟飯，啲飯好硬好乾身，如果係喜歡粒粒分明嘅飯粒嘅人就一定會鍾意，不過我唔係呢種人。叉燒，係切得好少比我，肉質好乾又唔夠蜜汁味。燒肉，燒肉嘅皮一啲都唔脆，燒肉切得齊齊整整，但係燒肉嘅味道好咸，肉質唔夠柔軟。兩條菜唔夠清甜，而且烚得好老。睇嚟，真係有極大嘅進步空間。