影片
更多
2020-06-14
756 瀏覽
牛摩喺馬鞍山開咗年幾兩年，知道佢都算係黃店，而家又有燒肉同打邊爐嘅套餐，再加上用餐時間由90分鐘延長到120分鐘，所以同朋友去咗幫襯。一去到就派咗個信封裝口罩，先燒肉後打邊爐，啲海鮮同肉嚟齊之後，員工會燒一次示範俾你睇，如果都係唔識，仲有張牌教你點樣燒肉，非常貼心。右邊嘅係香辣海鮮醬，燒肉嘅時候落埋落去，燒完會好惹味，提鮮不少，隔離嗰兩Kai 野係骨膠原，店員話燒肉時落少少，會鮮味啲，我覺得濕潤左同埋增加左鹹味，類似濃湯寶d friend 。題外話，佢呢個燒肉夾勁user friendly, 傳統嗰啲t夾有舊嘢kick上Kick落，有時都幾唔方便，但係佢呢個夾有個的，的落去就夾埋，的上去就開返！燒出嚟啲嘢食都幾好食，睇吓個豬大腸燒得幾靚？值得一讚係啲海鮮唔係每款每人一隻，而係每款每人兩隻，而且都唔會話有雪味或者霉晒，算係唔錯。燒完之後就打邊爐，叫咗壽喜燒同埋豬骨濃湯，湯底味道好好，同樣都係嗰幾碟牛同豬，攞嚟燒同埋打邊爐又係兩種唔同嘅風味，而我自己就鍾意打邊爐多啲，牛味會鮮味同更出。出去夾蔬菜丸類，全部有蓋琴埋，感覺非常衛生，選擇亦都好多！我哋差唔多食到收鋪，店員提咗幾次雪糕機會收，我同
一去到就派咗個信封裝口罩，先燒肉後打邊爐，啲海鮮同肉嚟齊之後，員工會燒一次示範俾你睇，如果都係唔識，仲有張牌教你點樣燒肉，非常貼心。
右邊嘅係香辣海鮮醬，燒肉嘅時候落埋落去，燒完會好惹味，提鮮不少，隔離嗰兩Kai 野係骨膠原，店員話燒肉時落少少，會鮮味啲，我覺得濕潤左同埋增加左鹹味，類似濃湯寶d friend 。
題外話，佢呢個燒肉夾勁user friendly, 傳統嗰啲t夾有舊嘢kick上Kick落，有時都幾唔方便，但係佢呢個夾有個的，的落去就夾埋，的上去就開返！
燒出嚟啲嘢食都幾好食，睇吓個豬大腸燒得幾靚？值得一讚係啲海鮮唔係每款每人一隻，而係每款每人兩隻，而且都唔會話有雪味或者霉晒，算係唔錯。
燒完之後就打邊爐，叫咗壽喜燒同埋豬骨濃湯，湯底味道好好，同樣都係嗰幾碟牛同豬，攞嚟燒同埋打邊爐又係兩種唔同嘅風味，而我自己就鍾意打邊爐多啲，牛味會鮮味同更出。出去夾蔬菜丸類，全部有蓋琴埋，感覺非常衛生，選擇亦都好多！
我哋差唔多食到收鋪，店員提咗幾次雪糕機會收，我同朋友本身都冇諗住食雪糕，但係店員好貼心咁行過嚟問使唔使幫我哋斟定兩杯雪糕，真係好sweet!
總括而言， $259食兩個鐘，又有服務，又有燒肉，又有打邊爐，又有雪糕，最重要係衛生，環境好，同埋黃店，必食
張貼
