強記飯店

今日同媽媽游完水，一心去薩利亞勁食～點知勁早已經超多姐姐大排長龍@0@!!! 最後起附近行行下見到呢度有燒味燉湯套餐，我最鍾意就係飲湯！立即衝入去我好肚餓啊～

✨加8蚊可以轉雞湯，螺片湯，山斑魚湯或牛展湯，幾大都加$8 要個螺湯✌🏻

✨螺頭雞腳湯： 本身睇個樣好似流流地，一飲落去個湯勁鮮既螺味ar😚！估唔到佢有5粒螺肉，size 都唔算細，食落去仲要係有鮮味ga~~不過雞腳媽媽就話嘛嘛地無咩味，但舊肉超腍唔錯👍🏻

螺頭雞腳湯

✨油菜勁的骰，不過燒味望落都唔錯，感覺幾豐富👍🏻 豉油雞全部都係胸🤣食落嚡嚡地無咩特別，薑蓉撈飯好食但勁咸。 燻蹄ok正正常常，有薄切同厚切，外皮食落爽口。

✨叉燒個味同蜜汁幾好食，仲有少少燶位，不過食落偏咸同比較瘦，唔夠肥美。 燒鵝都好食，個皮好香，不過肉比較少，點埋個梅汁好好味。