蛇王二 (已結業)

身為香港人，久唔久都會有鋪燒味飯癖。但係就咁食都不免太單調。如果有埋個湯滋潤下又唔同講法。星期三賽馬日，晚上7點左右，銅鑼灣唔使等位即刻入。 無得頂。黎過好多次，每次都會叫豬肺湯。 平時如果屋企要煲，洗都洗死人。呢度燉豬肺完全無內臟腥臭味， 只保留爽滑口感。白菜湯頭十分清甜，冬夏皆宜。再講燒味飯，其實最緊要係啲飯。啲飯千其唔可以淋pat pat 一定要夠乾身，咁樣加埋燒味豉油姜蓉，口感香味一流，昇華至另一層次。燒味味道中上。價錢都合理。伙計落單上菜都好快手。