更多
2023-01-21
215 瀏覽
你地認為一碗好嘅拉麵要有啲咩元素呢？湯底，拉麵質地，好味嘅叉燒，好味嘅溏心蛋等等。但好多時都會比人忽略左一個好重要嘅元素，就係拉麵一定要夠熱，最好熱到辣嘴咁捧上枱。呢間鋪頭其中一個優點就係拉麵夠熱。我叫左個招牌蝦湯拉麵，口味㨂左味增，幼麵。拉麵黎到，第一時間試左個湯底先，個濃度比鹽味更高，但又吾會好似豚王果啲咁傑身，我覺得幾好。拉麵軟硬度適中，有口感。再試埋個慢煮叉燒先，叉燒一定要成塊擺入口，脂肪配合埋啲肉先係最好食！雖然我比較喜歡食炙燒嘅叉燒多啲，因為會較香口，但呢塊叉燒又滑又林都吾錯嘅。最後試埋隻溏心蛋先，都吾錯，有流心，甜甜地，好幸福。 記住可以落啲蒜容，因為真係會再好食啲！呢碗麵整體黎講值3.5-4分，因為缺少左啲驚喜，但絕對會回頭食嘅只要想食拉麵
10 瀏覽
0 讚好
0 留言
張貼
