鮨和居食屋 (已結業)

食日本野其實唔係靜係得魚生，天氣咁熱反而驚啲魚生容易變壞，所以嚟都靜係叫熟食。首先嚟既係串燒蕃薯仔，一串四粒，拎住食唔驚整污糟手，食落唔會乾身，又甜又好香蕃薯味。鯛魚白湯啲湯白色好creamy，好有魚既鮮味，菜煲得好淋，同湯一齊飲好鮮甜。蒜香牛油燒蟶子皇超多蒜蓉，食左包保成口都係蒜味，但係同蟶子一齊食真係冇得輸，肉質完全唔韌。可能我見識少，好少食栗蟹，北海道栗蟹當然係嚟至北海道。隻蟹原隻上枱，蟹肉好鮮甜，好好食。