影片
更多
2021-10-14
60 瀏覽
之前睇ig見好多人食佢嘅燒肉omakase ，未見識過，於是乎走去試吓，都真係第一次食韓式扒房。lunch time居然坐滿，好彩有提前book位。原本諗住食$380一位嘅omasaki，但去到見到佢個櫃好吸引，入面係自家製嘅熟成牛，又想試吓成塊扒燒，於是乎叫咗個二人肉眼扒餐。自撰.朝鮮小品前菜有幾款可以揀，例如韓式豬手、和牛他他。。。我哋就揀咗吞拿魚他他。佢嘅吞拿魚係成塊表面燒咗一下，再切開，所以出面係少少脆，入面係好嫩嘅，配上佢哋獨特嘅汁，都幾特別。韓式蒸蛋呢個蛋有啲似某些韓燒餐廳，爐兩邊嘅蛋，不過當然佢足料好多，上面有魚子、蟹柳同菇，口感都幾豐富。和牛羽下肉呢份係另外叫嘅，估唔到兩片睇上去唔係好大，但其實每塊都幾厚，燒完可以剪四塊食，我叫咗原味，亦冇加任何調味料，勁香濃嘅牛味，食完嘴入面仲有餘香。帶骨肉眼，650g，25-45日熟成呢個不得了，一上嚟已經忍唔到狂影相，塊扒好大，見到都已經留晒口水😍我都係第一次咁樣燒牛扒，無從入手，好彩佢哋好好咁幫我哋燒。燒咁大塊扒真係需要啲時間同技巧，燒到大概3成熟，佢哋就會切開一塊塊，之後我哋就可以自己想食幾成熟就自己再燒。我就鍾意生啲，所以再
之前睇ig見好多人食佢嘅燒肉omakase ，未見識過，於是乎走去試吓，都真係第一次食韓式扒房。lunch time居然坐滿，好彩有提前book位。原本諗住食$380一位嘅omasaki，但去到見到佢個櫃好吸引，入面係自家製嘅熟成牛，又想試吓成塊扒燒，於是乎叫咗個二人肉眼扒餐。
自撰.朝鮮小品
前菜有幾款可以揀，例如韓式豬手、和牛他他。。。我哋就揀咗吞拿魚他他。佢嘅吞拿魚係成塊表面燒咗一下，再切開，所以出面係少少脆，入面係好嫩嘅，配上佢哋獨特嘅汁，都幾特別。
韓式蒸蛋
呢個蛋有啲似某些韓燒餐廳，爐兩邊嘅蛋，不過當然佢足料好多，上面有魚子、蟹柳同菇，口感都幾豐富。
和牛羽下肉
呢份係另外叫嘅，估唔到兩片睇上去唔係好大，但其實每塊都幾厚，燒完可以剪四塊食，我叫咗原味，亦冇加任何調味料，勁香濃嘅牛味，食完嘴入面仲有餘香。
帶骨肉眼，650g，25-45日熟成
呢個不得了，一上嚟已經忍唔到狂影相，塊扒好大，見到都已經留晒口水😍我都係第一次咁樣燒牛扒，無從入手，好彩佢哋好好咁幫我哋燒。燒咁大塊扒真係需要啲時間同技巧，燒到大概3成熟，佢哋就會切開一塊塊，之後我哋就可以自己想食幾成熟就自己再燒。我就鍾意生啲，所以再燒多一陣就食得，肉質果然好嫩，牛味都好重，尤其係脂肪多少少嘅部位，好香口，正。
熟成醬油牛小排、熟成醬油五花肉
套餐仲有兩款肉，其實已經好飽，不過燒到咁香，又食得落，牛小排好嫩好入味，五花肉則好香，我用菜包住食，一啲都唔會覺得油膩。
大醬湯
主食可以三揀一，因為已經好飽，所以要咗個湯，份量好足之餘仲幾好飲，入面嘅牛腩同蘿蔔都好味，唔錯。
甜品
是日甜品係軟雪糕，好好味😋完美咁結束咗一餐飯。
張貼
