45
41
51
等級4
話說位於西九龍中心嘅「北京拉麵店」可算係一個都市傳說😂,佢分分鐘喺個場到屹立超過廿年(since 1995!!!),就連舖位都無搬過。之但係佢出名在於佢嘅負評,無論網上分享定親身經歷我都聽唔少,依方面絕不比昔日嘅明將壽司遜色。其實我細個成日嚟西九龍中心行街、或者而家喺呢區返工,但都無堂食幫襯過。主要係因為性價比唔算高、無研究過有乜食,同埋聽得太多評論🙈。由於疫情嘅關係,我用多咗外賣App買嘢食,就畀我發現熊貓嘅獨家優惠:外賣自取下單即享4折折扣‼️,仲要無最低消費門檻。就係咁,呢日終於有機會一嚐!同事本身唔肯陪我試伏,但最終都屈服喺我嘅威嚴之下😆。落完單後約15分鐘,我哋去到餐廳,外賣已經準備好,但就就咁Hea咗喺門口張枱度。我哋問店員駛咪對單,佢都只係話係你個號碼就可以自己拎,唔駛話佢知😅,咁都得!好彩普遍香港人都自律嘅,但始終有機會唔小心拎錯...。折完後,真係平得好誇張。依到咁多嘢食,都只係百一蚊!我哋兩個人叫少份麵都未必食得哂👍。首先不得不講嘅一定係京心滬大拼盤(外賣App原價:$130),佢絕對無因為折咗比你而縮水。拼盤有五樣嘢食,要分兩盒先裝得哂!仲要鋪得靚靚😛。第一盒係五香
更多
4 瀏覽
0 讚好
0 留言
話說位於西九龍中心嘅「北京拉麵店」可算係一個都市傳說😂,佢分分鐘喺個場到屹立超過廿年(since 1995!!!),就連舖位都無搬過。之但係佢出名在於佢嘅負評,無論網上分享定親身經歷我都聽唔少,依方面絕不比昔日嘅明將壽司遜色。
3 瀏覽
0 讚好
0 留言
其實我細個成日嚟西九龍中心行街、或者而家喺呢區返工,但都無堂食幫襯過。主要係因為性價比唔算高、無研究過有乜食,同埋聽得太多評論🙈。
12 瀏覽
0 讚好
0 留言
由於疫情嘅關係,我用多咗外賣App買嘢食,就畀我發現熊貓嘅獨家優惠:外賣自取下單即享4折折扣‼️,仲要無最低消費門檻。就係咁,呢日終於有機會一嚐!同事本身唔肯陪我試伏,但最終都屈服喺我嘅威嚴之下😆。
3 瀏覽
0 讚好
0 留言
落完單後約15分鐘,我哋去到餐廳,外賣已經準備好,但就就咁Hea咗喺門口張枱度。我哋問店員駛咪對單,佢都只係話係你個號碼就可以自己拎,唔駛話佢知😅,咁都得!好彩普遍香港人都自律嘅,但始終有機會唔小心拎錯...。
1 瀏覽
0 讚好
0 留言
折完後,真係平得好誇張。依到咁多嘢食,都只係百一蚊!我哋兩個人叫少份麵都未必食得哂👍。
京心滬大拼盤
1 瀏覽
0 讚好
0 留言
首先不得不講嘅一定係京心滬大拼盤(外賣App原價:$130),佢絕對無因為折咗比你而縮水。拼盤有五樣嘢食,要分兩盒先裝得哂!仲要鋪得靚靚😛。第一盒係五香牛肉口水雞,肉肉嘅代表,牛𦟌有好幾片,而口水雞都有幾多肉食,因為有雞胸同雞翼。口水雞愈食愈辣🌶,但未到食唔到,不過麻味可以再多啲。
京心滬大拼盤
4 瀏覽
0 讚好
0 留言
另一盒就係素菜,包括四季豆拍青瓜川北粉皮,同樣地擺盤亦係好整齊☺️。除咗四季豆完全無味之外,其餘兩樣都幾好食。青瓜切粒上,方便食用,🥒佢嘅醃味就唔辣的,反而夠麻。至於粉皮,調味同青瓜類同,但佢好食在於個口感超滑身,又索味,食落好過癮🤤。
生煎鍋貼
1 瀏覽
0 讚好
0 留言
我哋仲叫咗四隻生煎鍋貼(外賣App原價:$39),🥟鍋貼個造型唔多吸引,因為覺得好似無乜點煎過咁。不過食落唔太差,肉餡幾多之餘亦算多汁;但塊皮好鬼厚,令到成個感覺變得好似生煎包。
蜜汁豬扒擔擔麵
1 瀏覽
0 讚好
0 留言
蜜汁豬扒擔擔麵(外賣App原價:$53),留意番餐廳係無將麵同湯分開裝的,所以一定要盡快食用。我哋而家都淋咗少少,但未去到糊嘅狀態。呢碗麵真係勁抵食,折完只係索價$21.2,蝕住做咁濟。🐷蜜汁豬扒一般,因為鬆肉粉落得太重手,肉質過淋,但無臭豬味嘅。不過擔擔麵個湯底就幾正宗,辣度明顯,但唔會搶喉,而且亦夠杰身同埋有花生粒🥜。
麻醬雞絲冷麵
1 瀏覽
0 讚好
0 留言
麻醬雞絲冷麵(外賣App原價:$57),食晏時太飽、我夜晚至食,估唔到份量咁多,大大盒!搞笑位係佢名叫涼麵,但實則係暖的,如果想🔥消暑食就會有啲失望。不過味道其實幾好,雖然麻醬似生花醬多啲,但落埋包醋撈嚟食;中和一下就無咁膩,麵條亦變得分明。最後,拌麵嘅🐔雞絲同青瓜絲幾足料。
3 瀏覽
0 讚好
0 留言
題外話,雖然我係買外賣,但深感餐廳環境其實幾有中國特色嘅🇨🇳,帶點土味嗰種,哈哈。
3 瀏覽
0 讚好
0 留言
總括嚟講,我覺得餐廳嘅食物質素一啲都唔差,仲幾好食添😋,份量又夠多。即使堂食原價幫襯都唔算貴,而家就簡直抵到爛,快啲襯仲有優惠時食多次先。$30樓下食到餐晏直頭係時光倒流吧!至於衞生方面,我買外賣就覺得無乜問題,最緊要眼不見為乾淨🤣。
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2020-08-07
等候時間
15 分鐘 (外賣自取)
人均消費
$55 (午餐)
推介美食
京心滬大拼盤
京心滬大拼盤
蜜汁豬扒擔擔麵