影片
更多
2021-09-10
44 瀏覽
🛋最近去九龍灣MegaBox睇傢俬，行到餓就喺附近覓食。見到間充滿少女心嘅餐廳，好多小熊大熊擺設，就諗住入去打下卡～點知食物質素都幾好！🥪鹹酥流心芝士吐司（$44）：吐司表層先灑上芝士再拎去烤焗，烘出奶酥嘅效果，烘熱嘅吐司更顯香脆。將吐司切開，就會見到溢瀉嘅芝士夾心。夾心滿載嘅程度係每一啖都會食到芝士。芝士本身帶鹹香，食落更加滋味。唔好睇佢好似細細份，食晒成份都好飽肚，好滿足～🍲烤雞肉羅宋湯螺絲粉（$44）：最令小編驚喜嘅係個羅宋湯底，放到上桌上依然好熱好香濃（最鍾意飲熱湯，暖湯硬係覺得怪怪地）有大量嘅蔬菜以及牛肉塊。螺絲粉嘅軟硬恰到好處，不存在放置咗好耐淋曬嘅情況。以輕量下午茶餐來講，過到口癮但又會太飽。☺️整體而言：食品質素不俗，係一個幾好俾小朋友放電嘅地方。樓下就係溜冰場，喺態小館食住等望住小朋友溜冰都係一個唔錯嘅選擇～（個芝士吐司真係幾正）熊小館 (九龍灣)地址：九龍灣宏照道38號企業廣場5期Megabox 11樓電話：34212213營業時間：11:30-22:00熊小館 (將軍澳)地址：將軍澳新都城中心二期2樓2086-2087號舖電話：29920772營業時間：11:30-
🛋最近去九龍灣MegaBox睇傢俬，行到餓就喺附近覓食。見到間充滿少女心嘅餐廳，好多小熊大熊擺設，就諗住入去打下卡～點知食物質素都幾好！
🥪鹹酥流心芝士吐司（$44）：吐司表層先灑上芝士再拎去烤焗，烘出奶酥嘅效果，烘熱嘅吐司更顯香脆。將吐司切開，就會見到溢瀉嘅芝士夾心。夾心滿載嘅程度係每一啖都會食到芝士。芝士本身帶鹹香，食落更加滋味。唔好睇佢好似細細份，食晒成份都好飽肚，好滿足～
🍲烤雞肉羅宋湯螺絲粉（$44）：最令小編驚喜嘅係個羅宋湯底，放到上桌上依然好熱好香濃（最鍾意飲熱湯，暖湯硬係覺得怪怪地）有大量嘅蔬菜以及牛肉塊。螺絲粉嘅軟硬恰到好處，不存在放置咗好耐淋曬嘅情況。以輕量下午茶餐來講，過到口癮但又會太飽。
☺️整體而言：食品質素不俗，係一個幾好俾小朋友放電嘅地方。樓下就係溜冰場，喺態小館食住等望住小朋友溜冰都係一個唔錯嘅選擇～（個芝士吐司真係幾正）
熊小館 (九龍灣)
地址：九龍灣宏照道38號企業廣場5期Megabox 11樓
電話：34212213
營業時間：11:30-22:00
熊小館 (將軍澳)
地址：將軍澳新都城中心二期2樓2086-2087號舖
電話：29920772
營業時間：11:30-22:00
#香港食好西 #九龍灣 #熊小館 #將軍澳 #野生代言人
張貼
