馬祖無限時台灣養生涮涮鍋

營業中

休息中

好耐冇打邊爐，所以就同朋友去咗旺角嘅馬祖無限時臺灣養生涮涮鍋! 涮涮鍋嘅湯底有非常多嘅選擇，我就揀咗日本壽喜燒Sukiyaki野菌鍋！ 金黃地瓜條 ， 好香脆得嚟有甜甜地， 有海苔粉，蕃茄粉，甘梅粉同麻辣粉可選擇，放入紙袋裏面就可以shake shake喇！ 要了A餐， 有美國安格斯牛肉及西班牙無激素豬肉片！ 兩款都肥瘦均勻，高質亦都好有肉汁! 🤩 海鮮有好多款， 有魚柳，鯇魚腩，海蝦等，都非常新鮮， 肉質甜美嫩滑， 而且啖啖肉無骨，海蝦可大隻！ 帆立貝一份嘅份量幾多有六隻！😍 台色嘅丸類有非常多選擇 ！ 例如有蟹粉丸，梅菜豬肉丸芋泥貢丸等等！ 最有特色係手打黑松露墨魚滑，鮮甜又嫩滑 ，好有口感，食落去啖啖都有好濃嘅墨魚味🥰 想食健康啲可以揀蔬菜同菇， 生菜同菜心苗都好新鮮同嫩，洗得好乾淨！ 雪糕每人一杯，有得揀Dreyer 或者movenpick 🤩呢餐好豐富我同朋友都食到好飽！