野川拉麵 (已結業)

今日又到元朗搵師傅倫淋巴按摩，諗起上次食呢間野川拉麵嘅芝士年糕非常好食，今日決定再食多次。野村拉麵雖然佢唔sell 煲左十幾個鐘嘅湯底，但係佢都推介自己嘅豬骨湯拉麵 HK 65, 所以今次都決定要一碗。另外，當逢然必叫我最鍾意食嘅芝士年糕 (HK 29)啦！我見到餐牌仲中推介另一款炸蝦餅，左諗右諗，反正都係一碟一件 HK 24，叫埋呢款炸蝦餅。原本諗住淨係飲清茶，但係見到佢有一個日本健康果汁都幾得意，問一問店員佢話有橙，提子，同埋哈密瓜味，哈密瓜味較特別，15蚊唔貴，我就叫左一罐試下。原來健康果汁嘅意思係冇合成嘅色素同甘味料(糖份)，用純水製造，雖然無味汁成份，都真係用料健康喎！個拉麵送埋沙律，係芝麻醬嘅青菜沙律，簡單而又清新。點解我咁迷戀呢個芝士年糕？見到相，你就會明嫁啦！外層炸得一啲都唔油膩，而且年糕彈牙，最重要係佢個芝心真係溶化到流出來的！有時候係出面食其他嘅芝士年糕，做得差既係完全沒有流心，野川呢個芝士年糕真係百食不厭！最驚喜係呢碟新嘗試既炸蝦餅，一碟＄24價錢中等，但當我咬落去時，除咗欣賞佢外皮非常爽脆，拆開來睇原來由一隻隻原隻蝦仔造成，我專登拆開蝦肉黎睇，真係 ！食咗一輪小