菠蘿仔食堂 (灣景廣場) (已結業)

之前路過外賣食過一次唔錯，隔日再訂外賣自取。麻辣咖哩雞扒飯啱晒熱天胃口，兩種唔同既辣加埋出奇地夾，惹味開胃，越食越過癮，唔使下下食酸辣粉咁單調。份量剛剛夠，如果未食早餐就爭啲，補多兩隻雞翼就啱啱好。菠蘿焗豬扒飯中規中矩，無失望亦無驚喜，菠蘿特飲就爭啲喇，無菠蘿味，一味死甜，甜到驗糖尿既糖水程度，飲左啖有啲反胃，哦，原來未撩匀，再撩下都係糖水，成杯糖+水，菠蘿粒淡茂茂，仲要叫左兩杯，成架直升機响頭殼頂😓😓 準時出餐，在預定時間到取成袋餐點已等緊我