影片
更多
2020-01-13
49 瀏覽
雞翼有邊個唔鍾意食？試過雞翼山嘅雞翼之後，會令你對雞翼嘅expectation變得更高啊！充滿文青少女風嘅舖面，連招牌雞翼都係玫瑰味，但係！👩🏻👨🏽依家「不要儀態，只想吃雞翼」🤤。.雞翼有成10種口味，仲會不定期轉新口味。我哋叫咗最高人氣嘅1號文青風玫瑰、4號港式避風塘蒜香雞翼同9號鼠尾草鹹蛋黃哥味。大家可以選擇用手套或者用叉食，但最近咁多傳染病，無論你揀點食都好都記住要洗手啊👐🏻😠！食嘅次序都有講究㗎，要先由淡味啲嘅開始食。一上枱就覺得玫瑰雞翼好少女😍，每次雞翼都煎得閃令令✨，上面有幾瓣玫瑰花瓣🌹。佢哋用秘製嘅玫瑰蜜糖醃製雞翼，令雞翼散發岀淡淡花香，入面仲好juicy好入味。👩🏻試過唔少花味食物通常都會中伏 (但每次見到新嘢又會好想試)，但依個絕對唔會中伏，仲會令你想吮埋手指😂，👨🏽都大讚好味！.跟住我哋就試鹹蛋黃味啦🥚，👨🏽平時最鍾意個啲鹹蛋黃魚皮、鹹蛋黃乜乜乜，依個真係啱晒👨🏽口味啊！依度嘅雞翼全部都即叫即炸，啲蛋黃仲係雞翼上面跳吓跳吓，成隻雞翼都俾鹹蛋黃包住晒，睇到都流晒口水🤤。味道非常濃郁，絕對唔係溝粉溝味精嘅味道。唔講你唔知呀，鹹蛋黃一定要用牛油先可以炒到起沙起得咁靚㗎！.
.
雞翼有成10種口味，仲會不定期轉新口味。我哋叫咗最高人氣嘅1號文青風玫瑰、4號港式避風塘蒜香雞翼同9號鼠尾草鹹蛋黃哥味。大家可以選擇用手套或者用叉食，但最近咁多傳染病，無論你揀點食都好都記住要洗手啊👐🏻😠！食嘅次序都有講究㗎，要先由淡味啲嘅開始食。一上枱就覺得玫瑰雞翼好少女😍，每次雞翼都煎得閃令令✨，上面有幾瓣玫瑰花瓣🌹。佢哋用秘製嘅玫瑰蜜糖醃製雞翼，令雞翼散發岀淡淡花香，入面仲好juicy好入味。👩🏻試過唔少花味食物通常都會中伏 (但每次見到新嘢又會好想試)，但依個絕對唔會中伏，仲會令你想吮埋手指😂，👨🏽都大讚好味！
.
跟住我哋就試鹹蛋黃味啦🥚，👨🏽平時最鍾意個啲鹹蛋黃魚皮、鹹蛋黃乜乜乜，依個真係啱晒👨🏽口味啊！依度嘅雞翼全部都即叫即炸，啲蛋黃仲係雞翼上面跳吓跳吓，成隻雞翼都俾鹹蛋黃包住晒，睇到都流晒口水🤤。味道非常濃郁，絕對唔係溝粉溝味精嘅味道。唔講你唔知呀，鹹蛋黃一定要用牛油先可以炒到起沙起得咁靚㗎！
.
最後就係避風塘味啦🧄，之前伯伯炸雞都岀過避風塘味炸雞，但你知伯伯炸雞啲雞幾腍㗎啦...但依度嘅係新鮮炸，性價比自己諗啦👀。佢哋先用牛油爆香新鮮指天椒，再加入炸蒜、麵包糠，熱辣辣嘅雞翼就岀鑊啦🔥。食五小辣嘅👩🏻覺得個辣度係適中，仲可以再辣啲，咁就會更加香口，但食十小辣(都覺得辣)嘅👨🏽就覺得好辣啦，大家可以因應自己嘅口味決定返💁🏻♀。
.
依個12件雞翼套餐有跟一杯飲品，我哋再另外叫多一杯，分別係黑糖紅棗薑母茶☕同柳橙冰綠茶🍊。唔好以為依度只得雞翼煮得岀色，連嘢飲都同岀面茶飲店有得揮。唔使講都知黑糖紅棗薑母茶對女仔好啦，紓緩經痛、驅寒補血，店主仲話佢哋嘅薑母茶用紅棗、老薑煲足咁多個鐘，飲到底仲見到料添，飲完成個人暖晒。柳橙綠茶材料就簡單啲，但味道清新，唔會好甜，唔係溝糖水果啲茶飲，仲好解渴/辣，👨🏽食避風塘雞翼個陣一啖飲咗大半杯咁制😂。
.
係云云雞翼專門店中，雞翼山被雜誌選為第一，特別係佢哋嘅招牌玫瑰蜜糖雞翼真係好惹味，👨🏽👩🏻都覺得佢最正。食得辣嘅👩🏻就覺得避風塘雞翼第二正，👨🏽就梗係覺得鹹蛋黃正啲啦，各種口味各有千秋。我地去嘅葵芳店係雞翼山喺新界嘅第一間分店，相比其他分店都算闊落，想試嘅唔止可以當下午茶食，買返去加料做餸都唔錯丫。
Follow us on ig: Foodastics
張貼
