職人壽司

早前同老闆曾幫襯過呢間壽司店，當時氣氛同環境都唔錯，最吸引既係師傅整壽司既功藝，當時叫廚師發辦，師傅好有心機講解每種魚既口感，點樣食先好食，好感受到師傅果種‘‘職人精神’’，當然會再幫襯啦～但今日到店時，發覺似轉左手，不過唔緊要都一於去試。老闆Order左個海膽丼飯套餐，自己就叫左鰻魚飯套餐。之後套餐上枱，發覺茶碗蒸唔夠熱，得微溫，而且食食下有頭髮係入邊，對比早一兩次黎食果陣，已經好大分別。